O alcalde amosouse "encantado" pola celebración do aniversario do Consorcio do Casco Vello -do que o Concello forma parte- cun paseo pola zona alta e actos institucionais. Caballero engadiu que os 30 millóns adicados ao casco histórico vigués polo seu goberno son "cifras moi significativas da nosa acción", e nomeou a Pinacoteca, as humanizacións, a UNED e os Coidadores de Barrio, entre outras.
Nunha reunión celebrada este martes, os representantes dos traballadores trasladaron a Abel Caballero que ven ben a proposta do alcalde de asinar un convenio entre as administracións implicadas no proxecto, para obter "certezas" da súa viabilidade técnica, do financiamento e da cesión gratuíta da torre.<br />
O Consello da Xerencia de Urbanismo informou na sesión deste venres da constitución da Comisión Técnica conformada por representantes do Concello e da da Xunta e que se encargará da tramitación conxunta do novo PXOM, que será "o mesmo que o do ano 2008". Ademais, o goberno municipal elabora unha ordenanza para regular as axudas para acometer obras de mellora da accesibilidade nos edificios de máis de vinte anos.
O Consello da Xerencia de Urbanismo acordou a doazón de dúas parcelas na zona de Cambeses e dunha na Canicouva para erguer vivenda protexida e aprobou a venda de tres parcelas para construír vivendas unifamiliares en Pombas, Carrasqueira e Tomada. O alcalde explicou tamén que o goberno local "fixo todo o que tiña que facer" para poñer a disposición da Xunta o solo para a Cidade da Xustiza para a que "falta o proxecto construtivo".
Dada a imposibilidade de realizar a sesión do Consello da Xerencia na data e día indicado na convocatoria, modifícase a data e hora da sesión do Consello da Xerencia de Urbanismo, trasladándose do xoves día 28 de xaneiro de 2016 ao venres 29 de xaneiro de 2016 ás 8.30 horas en primeira convocatoria e unha hora mais tarde en segunda, manténdose a mesma orde do día.
Abel Caballero anunciou este mércores o comezo do prazo de exposición pública do expediente de transferencia dos terreos á Xunta de Galicia para a construción da cidade xudicial, de maneira que o solo queda dispoñible para ser utilizado aínda que criticou que o goberno autonómico "nin sequera ten o proxecto construtivo" mentres o Concello xa aboou 2.600.000 euros en expropiacións.