Na Xerencia de Urbanismo desta mañá se iniciará o proceso para que o goberno local poida adquirir a última porcentaxe pendente para que unha parcela en Ramón Nieto pase integramente a mans municipais. O obxectivo será sacala a poxa pública para que se poidan construír unhas 27 vivendas.
Abel Caballero anunciou este mércores que a Xerencia de Urbanismo aprobou inicialmente a modificación da Ordenanza Urbanística Reguladora da Publicidade Exterior. A través da nova normativa quedan fixadas as condicións para instalar pantallas nas fachadas dos edificios.
A concelleira de Urbanismo, María Xosé Caride, anunciou que o goberno de Vigo incorporará inicialmente 42 parcelas ao Rexistro de Soares municipal, cuxa aprobación definitiva foi ratificada este mércores no Pleno. Este instrumento permite ao Concello sacar a poxa pública soares ou edificios en mal estado.
Cun orzamento total de 2,7 millóns de euros, o goberno local prosegue coa licitación da actualización da cartografía e da redacción da revisión do PXOM, enviando o anuncio ao Diario Oficial da Unión Europea. O prazo para presentar ofertas rematará o próximo 13 de xullo.
A aprobación dos pregos e a apertura da licitación será posible despois do visto bo dado polo goberno de Vigo á memoria xustificativa. Abel Caballero lamentou que a Xunta desbotara o "plan Parejo" para recuperar "en seis meses" a ordenación urbanística viguesa.
"Non imos tolerar que en terreos municipais exista nin un só metro cadrado de zona verde que se transforme en cemento", asegurou este mércores o alcalde sobre o proxecto autonómico de ampliación do barrio. Abel Caballero esixiu novamente o soterramento da VG20 ao seu paso por Navia.
O alcalde deu a coñecer este luns os requisitos do Concello para a aprobación definitiva da ampliación de Navia que promove a Xunta: non converter as zonas verdes en aparcamentos, facer unha glorieta na nova saída a Avenida de Europa, construir un instituto, instalar pantallas contra o ruido na VG20 e soterrala.
Na próxima sesión da Xerencia de Urbanismo darase conta da incoación da tramitación do borrador do ámbito comercial de Recaré. Esta iniciativa ademais de permitir o desenvolvemento de solo terciario, tamén mellorará a mobilidade no acceso á A55.
Segundo informou Caballero, o goberno de Vigo deu luz verde ao inicio do expediente da segunda fase da urbanización do PERI de San Roque, que suporá a mellora das rúas Calaza e Forno. O alcalde estimou que este ano estarán contratadas e executadas as obras.
Abel Caballero rexeitou a proposta recollida na modificación do Plan Parcial de Navia realizada pola Xunta na parte que prevé construír aparcamentos en zonas verdes ou deportivas. En declaracións aos medios, o alcalde negou absolutamente esta posibilidade dado que se trata de terreos municipais.