A xuntanza celebrarse ás 10 da mañá no edificio da xerencia de urbanismo con 8 asuntos na orden do día. Entre os temas que se abordará figura a expropiación por taxasión conxunta de catro fincas para a execución dos accesos do parque tecnolóxico e loxístico de Vigo.
Técnicos municipais instan a empresa constructora do edificio lindante ao hotel Estoril a reforzar a cimentación dos baixos das obras ante as fendas que ao longo da mañá se detectaron no hotel.
Constituiuse o novo Consello da Xerencia de Urbanismo que aprazou, para o luns 21 de xullo, a toma de decisións sobre a execución de sentencias do Tribunal Superior de Xustiza de Galicia do Pepri Finca do Conde. O alcalde reunirase previamente coas partes implicadas para tomar o acordo antes da súa prescrición.
O alcalde, Ventura Pérez Mariño, asinou o convenio para a entrada en funcionamento dunha nova quenda de rehabilitación de vivendas no Barrio Histórico. O orzamento total das actuacións previstas é de 809.474 euros que servirán para arranxar 31 vivendas en tres anualidades.
A orde do día do Consello da Xerencia de Urbanismo inclúe temas propios do consello constitutivo entre os que destacan as propostas da presidencia para a designación da vicepresidencia e para a selección e nomeamento da figura do xerente de Urbanismo.
A primeira reunión de seguemento do Pxom terá lugar na Consellería de Política Territorial, Obras Públicas e Vivenda o próximo martes 15 de xullo.
O concelleiro de Urbanismo en funcións, Xavier Toba, presentou o Plan especial de reforma interior do Casco Vello que pretende protexer e servir de instrumento para a súa revitalización a través de actuacións de rehabilitación.
O equipo redactor do Plan xeral de ordenación municipal entregou o documento revisado do que se farán catro copias en formato dixital para a toma de coñecemento dos grupos municipais que conformarán a nova Corporación de cara a guiar o novo modelo urbanístico da cidade.
O Concello de Vigo xa dispón dunha cartografía dixital de todo o termo municipal que permitirá mellorar a xestión dos padróns e facilitará os traballos de planeamento urbanístico. A cartografía elaborouse a través dun convenio co Centro de Xestión Catastral do Ministerio de Facenda.