venres, 11 set 2009
O tenente de alcalde, Santi Domínguez, criticou este venres que a presidenta da Autoridade Portuaria non teña unha "visión integral" do Porto e non escoite a todas as partes que teñen algo que dicir. "Estamos caendo nos erros que se cometeron sempre co Porto, non actuando nel de forma integral, senón como auténticas parceliñas e respectando as parceliñas de poder que hai nel", lamentou o tenente de alcalde no transcurso dun almorzo informativo con xornalistas.
xoves, 10 set 2009
O tenente de alcalde, Santi Domínguez, reivindicou este xoves o orgullo de ser vigués na inauguración da séptima edición da Festa do Marisco de Vigo, Vigomar 2009, que se celebrará ata o vindeiro domingo, 13 de setembro. No acto, que contou como pregoeiro co xornalista de Larpeiros de Televisión de Galicia, Tomás Alonso, o concelleiro asegurou que os vigueses e viguesas podemos "elevar a autoestima porque temos os mellores produtos, a mellor ría, o mellor porto pesqueiro e a mellor cidade".
martes, 8 set 2009
Ata 40 productos distintos poderanse degustar na séptima edición da Festa do Marisco de Vigo, Vigomar 2009, que se celebrará os días 10, 11, 12 e 13 deste mes. O tenente de alcalde, Santi Domínguez, salientou hoxe na presentación que estas xornadas marisqueiras son xa un referente turístico importante da nosa cidade e tamén dentro das festas gastronómicas de Galicia. "Tiñamos o produto, tiñamos a calidade e tiñamos o contorno, só nos faltaba unha festa como esta que servira de referente para que nos visiten persoas de todos os puntos do Estado", sinalou.
xoves, 3 set 2009
O tenente de alcalde e presidente da Fundación da Axencia Intermunicipal de Vigo (Faemevi), Santi Domínguez, asinou hoxe un convenio xunto ao conselleiro de Economía e Industria, Javier Guerra, e o presidente do centro de Vigo de PSA Peugeot Citroën, Pier Ianni, para desenvolver cursos de formación en condución eficiente de vehículos destinados a traballadores da planta e aos seus familiares.
mércores, 2 set 2009
O tenente de alcalde e concelleiro de Turismo, Santi Domínguez, manifestou hoxe a súa preocupación pola falta de planificación que ten o actual goberno da Xunta a respecto do sistema aeroportuario galego e, diante da reunión prevista para mañá, demandou aos novos responsables autonómicos que o punto de partida debe ser manter a operatividade actual.
venres, 28 ago 2009
O tenente o alcalde, Santi Domínguez, subliñou este venres que "Vigo, cidade viva" transmite " a profundidade e complexidade da nosa cidade nunha longa viaxe ao mar, a cultura, a literatura, as nosas orixes e á nosa gastronomía". Na presentación da publicación, na que tamén participaron o director da mesma, Alfonso Paz Andrade, e o coordinador, Emilio Alonso, Santi Domínguez lembrou que será a guía de Vigo para os participantes na World Fishing Exhibition que se celebrará na cidade do 16 ao 19 de setembro.
venres, 7 ago 2009
O tenente de alcalde, Santi Domínguez, asegurou este venres que o esforzo realizado por Tenencia de Alcaldía e Concellería de Xuventude para incrementar o número de prazas dos campamentos de verán "nos anima para o ano que vén seguir ampliando o número de prazas". O nacionalista así o manifestou na visita que realizou ao campamento urbano que se está a desenvolver no polideportivo de Samil xunto coa concelleira de Xuventude, Iolanda Veloso.
xoves, 6 ago 2009
O tenente de alcade de Vigo, Santi Domínguez, e o alcalde de Lorient, Norbert Metairie, reafirmaron hoxe a súa vontade de afondar no irmanamento entre as dúas cidades, segundo aseguraron tras a xuntanza que mantiveron esta mañá no Concello da cidade bretona, na que tamén participou o concelleiro de Cultura, Xesus López. O tenente de alcalde explicou que este afondamento no irmanamento se concretará en actuación conxuntas en materia de turismo, economía, cultura, deportes e educación.
luns, 3 ago 2009
O tenente de alcalde, Santi Domínguez, viaxará mañá á cidade francesa de Lorient para coñecer de primeira man a organización do seu Festival Intercéltico, adicado na edición deste ano a Galiza. Segundo o tenente de alcalde, é unha "inmellorable ocasión para coñecer a fondo a organización dun festival de tanta tradición como o de Lorient e posteriormente desenvolver na nosa cidade iniciativas das que alí se levan a cabo".
venres, 31 xul 2009
O tenente de alcalde, Santi Domínguez, inaugurou hoxe a remodelación da rúa Teófilo Llorente que, segundo dixo, supón o punto de partida da "reconquista real" do Casco Vello. As obras, que transformaron a rúa nun espazo peonil, contaron cun investimento dun millón de euros, o orzamento máis alto que ata o momento o Concello de Vigo ten realizado no barrio histórico.
