O servizo municipal de Bombeiros, dependente da Concellería de Seguridade que dirixe o socialista Carlos L. Font, está a avaliar as solicitudes recibidas para a realización de fogueiras na noite de San Xoán de Vigo. De cara a ser autorizadas, os bombeiros están a inspeccionar cada unha das peticións antes da celebración, para garantir a máxima seguridade da cidadanía.
Abel Caballero e Miguel Cortizo coñeceron este luns de primeira man a marcha das obras de construcción da nova comisaría da Policía Nacional en Vigo, ubicada en López Mora, que ten prevista a súa finalización para o mes de novembro. O Goberno de España destina 15 millóns para esta infraestrutura, de 14.500 metros cadrados. O delegado do Goberno en Galicia visitou posteriormente o Concello de Vigo, onde asinou no Libro de Honra municipal.
O alcalde de Vigo, Abel Caballero, e o concelleiro de Seguridade, Carlos López Font, presentaron este xoves en Samil a sección Seguridade Costa e Praia da Policía Local, que xa atende en bicicleta "desde Nigrán ata Redondela" con 17 axentes e, como novidade deste ano, atenderá puntualmente as Illas Cíes. Xunto á sección, os efectivos de salvamento e socorrismo operan desde onte en 11 praias de Vigo, un dispositivo que supera o medio centenar de persoas.
O alcalde de Vigo, Abel Caballero, felicitou este venres aos 31 axentes da Policía Local que este 2011 cumpren 25 anos de servizo, efectivos aos que fíxolle entrega dunha orla conmemorativa da súa promoción. Caballero eloxiou a súa laboura como vertebradores da cidade e recordou que outros 35 policías están a formarse actualmente para sumarse ao corpo de seguridade municipal.
Abel Caballero, xunto a membros do goberno local e da Policía Local de Vigo, presentou este venres os novos 18 vehículos adquiridos polo Concello polo sistema renting, cun investimento dun millón de euros en catro anos. Estes coches, na súa maioría Citroën, súmanse aos 60 xa existentes dando unha cifra resultante de 80 vehículos. O alcalde recordou que neste mandato ampliouse o plantel en 75 axentes.
O alcalde de Vigo recibiu hoxe martes aos 10 axentes que formarán parte deste novo dispositivo de vixilancia policial no centro da cidade en bicicleta, que xa están traballando e continuarán ata o mes de outubro. Caballero eloxiou a "cercanía" aos cidadáns dos axentes, que operarán no Casco Vello, en Príncipe e en Montero Ríos, entre outras. Abel Caballero tamén deu a benvida aos seis novos membros da Policía Local de Vigo e lembrou que nos últimos catro anos incrementouse o plantel en 75 efectivos.
O departamento de Educación Viaria do corpo municipal levou hoxe mércores á Asociación de Veciños Pontenova-Freixeiro a súa formación para adultos en educación viaria, dentro dun programa piloto dirixido á veciñanza viguesa. Os obxectivos xerais desta iniciativa son aumentar a seguridade dos adultos como usuarios das vias e involucralos na formación dos máis pequenos.
O alcalde de Vigo acudiu este venres ao CEIP Ramón y Cajal para asistir aos cursos de formación para adultos da Policía Local, co obxectivo de mellorar a seguridade, reducir a siniestralidade e a gravidade das lesións, potenciar hábitos de saúde responsables e que a educación viaria dos adultos sirva de exemplo para os máis pequenos. A formación versa sobre o alcol e as súas consecuencias na conducción, a sinalización e qué facer en caso de accidente.
O alcalde de Vigo, Abel Caballero, e o subdelegado do Goberno na provincia, Delfín Fernández, mantiveron hoxe xoves unha reunión de "coordinación" sobre a "alarma social" causada na rúa Chao, no Casco Vello, derivada da "marxinalidade" que a frecuenta. O primeiro edil adiantou que o Concello tramitará ampliar á ordenanza contra o chamado botellón á zona, e "non escatimaremos esforzos" nin "ningunha medida" para rebaixar a "tensión" xerada no entorno, afirmou Caballero.
O alcalde, Abel Caballero, e o concelleiro de Seguridade, Xulio Calviño, presentaron este xoves as 28 novas motos para a Policía Local, cun investimento de 343.000 euros, que súmanse ás 12 adquiridas nos últimos anos. Caballero recordou que nun mes chegarán os novos coches, polo que estima para maio a renovación completa do parque mobil policial. O rexedor englobou estas medidas municipais na "vocación de modernizar e por en valor á Policía Local".