mércores, 14 dec 2022
O goberno local advertiu esta mañá de que a posta en marcha da estación de autobuses non pode supoñer en ningún caso o empeoramento do tráfico da cidade. O concelleiro de Fomento aclarou que o Concello aínda non dispón da documentación da que debería dispoñer e emprazou á Xunta a manter unha reunión técnica “imprescindible” para estudar as formas de acceso á estación de cada unha das liñas.
luns, 12 dec 2022
Desde este luns, 12 de decembro, queda aberto á circulación o túnel que conecta o centro da cidade coa autoestrada AP9 desde a contorna de Vialia. “Unha obra da maior envergadura, con moita luz e dotado do maior nivel de seguridade”.
venres, 9 dec 2022
A tradicional cita de Nadal dos Papá Noel moteiros desenvólvese o próximo sábado 17 de decembro con saída desde Navia e percorrido polo centro da cidade.
luns, 5 dec 2022
O alcalde acompañado da Asociación de Bombeiros de Vigo presentou este luns a campaña solidaria que permanecerá aberta á doazón de xoguetes novos ata o vindeiro 2 de xaneiro.
venres, 2 dec 2022
O alcalde explicou este venres en rolda de prensa que, antes da recepción das obras, é preciso comprobar o funcionamento da seguridade da nova infraestrutura para poder dar o visto bo ao Plan de Autoprotección da mesma.
xoves, 1 dec 2022
O próximo 7 de decembro o colectivo de taxistas volverá poñer en marcha “unha gran iniciativa solidaria” que permitirá a preto de 200 persoas maiores gozar das luces de Nadal. Serán entre 40 e 50 os vehículos que participarán nunha marcha que se recupera despois dun parón de dous anos por pandemia.
xoves, 1 dec 2022
A Xunta de Goberno aprobou o proxecto para a humanización dunha vintena de rúas nas parroquias de Vigo cun importe de 1.284.632 euros. Tamén o goberno local asfaltará e mellorará a rúa Torrecedeira.
luns, 14 nov 2022
O alcalde advertiu hoxe de novo da necesidade de reparar o muro de peche do CEIP Igrexa Valladares, cuestión da que xa foi informada a Xunta en dúas ocasións. En todo caso e para evitar que esta situación se prolongue, Caballero anunciou que será o Concello o que asuma esta reforma de xeito subsidiario para evitar un “eventual problema”.
luns, 14 nov 2022
A zona centro terá limitación de acceso aos vehículos desde o 19 de novembro ata o fin do Nadal desde as 17:30 ás 00 horas. O plan de seguridade establece un aforo de 9.000 persoas ao redor da árbore para seguir o acto de alumeado da cidade.
mércores, 5 out 2022
A celebración do Día da Policía en Vigo celebrouse este mércores na sede de Afundación coa participación, entre outras autoridades, de Abel Caballero que no seu discurso eloxiou o labor do Corpo na cidade e a súa profesionalidade recoñecendo o papel fundamental que desenvolven para seguir facendo de Vigo unha cidade segura. No transcurso do acto entregáronse as condecoracións a varios axentes polo seu labor destacado.
