O Pleno municipal deu luz verde esta mañá por unanimidade a unha moción socialista que reclamaba medidas para evitar os tempos de espera na obtención dunha cita no hospital Álvaro Cunqueiro. Tamén se aprobou outra iniciativa -neste caso co voto en contra do PP- que insta a solucionar os problemas viarios e de seguridade no contorno deste centro hospitalario.
O Pleno do Concello aprobou este luns a moción presentada polo grupo Marea de Vigo, co apoio do PSdeG-PSOE de Vigo na que se demanda ao goberno galego que deteña a privatización dos servizos que presta o persoal de celadores no hospital Álvaro Cunqueiro.
O goberno local sacou adiante a aprobación do orzamento de ingresos para 2016, mantendo a mesma presión fiscal e o importe das bonificacións. Segundo explicou na súa intervención plenaria, o concelleiro de Facenda, Jaime Aneiros, esta validación permitirá ao Concello de Vigo manter a o mesmo nivel de gasto e inversión.
O Pleno da Corporación Municipal celebrado este luns decidiu, por unanimidade, instar ao Goberno de España a que estableza incentivos fiscais para promover o alugueiro entre os arrendarores e os inquilinos. Tamén saíu adiante, co apoio de todos os grupos, unha moción que demanda ao goberno da Xunta de Galicia unha maior dotación de recursos para atender as necesidades da mocidade viguesa. Os grupos socialista e Marea de Vigo acordaron reprobar ao presidente da Xunta polas súas descualificacións aos asistentes á manifestación a favor da sanidade pública celebrada o pasado 3 de setembro. <br />
Todos os grupos respaldaron a intervención de Alberto Gonçalvez Herrero, secretario comarcal da CIG, quen solicitou o apoio do Pleno para impulsar unha iniciativa lexislativa popular no Parlamento Galego con medidas que garantan a enerxía como servizo público e contra a pobreza enerxética.
As dúas mocións presentadas polo grupo municipal socialista foron aprobadas por maioría absoluta cos votos favorables do PSdeG-PSOE e da Marea de Vigo e coa oposición dos concelleiros do Partido Popular. Así, o Pleno do Concello de Vigo, celebrado este martes, insta ao goberno galego a tramitar o carácter gratuíto do estacionamento do Hospital Álvaro Cunqueiro e a iniciar o proceso para reverter o centro ao ámbito público amais de dotalo do laboratorio central da área sanitaria de Vigo.
Cos votos favorables de PSOE e Marea de Vigo, o Pleno acordou este martes incrementar a partida de produtividade en 825.000 euros, unha proposta elevada polo goberno de Vigo atendendo ás condicións salariais do persoal municipal. A Corporación tamén deu luz verde á modificación orzamentaria para sufragar os custos dos contratos de recollida de lizo e limpeza viaria.
A Corporación estima que as partidas consignadas para Vigo no proxecto de orzamentos para o ano 2016 son "insuficientes" e que existen outros investimentos necesarios que non quedan recollidos no documento. Ademais, o Pleno deu luz verde a unha moción socialista que demanda ao Ministerio de Facenda que dite as instrucións necesarias para que o teito de gasto teña en conta o estado de gastos do orzamento en execución.