luns, 30 nov 2015
Este luns, o Pleno da Corporación de Vigo comezou coa lectura a cargo de Rosa Chantada, en representación do Consello Municipal da Muller, dunha declaración institucional por mor do 25-N, Día internacional para a erradicación da violencia contra as mulleres, baixo o epígrafe "Somos quen de deter a violencia machista"<br />
luns, 30 nov 2015
A Corporación Municipal deu luz verde por unanimidade á moción presentada por Marea de Vigo, con engadidos do grupo socialista e do grupo popular, na que tamén se empraza ao Goberno Central a manter, dinamizar e poñer a disposición da cidadanía os espazos excedentes do antigo centro hospitalario, asumindo o goberno local as competencias que veñan derivadas desa decisión. Ademais, a proposta do PP, vaise crear un grupo de traballo para definir o futuro do vello hospital. No texto da moción expóñense as consecuencias negativas da falta de actividade no edificio para a zona e para a actividade comercial da cidade.
luns, 30 nov 2015
A sesión plenaria celebrada este luns 30 de novembro acordou por unanimidade solicitar a incorporación desta vacina de xeito universal e gratuíto no calendario ao Ministerio de Sanidade. Tamén por unanimidade a Corporación solicita ao Goberno de España dunha tributación xusta para as rendas dos emigrantes retornados polo que a Axencia Tributaria debe asumir as sentenzas dos Tribunais Superiores de Xustiza que eximen ás rendas alemás de devolver as cantidades cobradas e pídese tamén que se retornen as sancións e recargos aplicados inxustamente e que os pensionistas non reclamaron.
luns, 30 nov 2015
O Pleno decidiu tamén solicitar ao Goberno do Estado a Derrogación da Lei de Racionalización e Sustentabilidade da Administración Local para "devolver urxentemente ás Entidades Locais as competencias en materia de prestación dos servizos sociais e de promoción da reinserción social", nunha moción presentada polo grupo socialista que contou coa abstención do PP e de Marea de Vigo. <br />
luns, 23 nov 2015
Con motivo do Día Internacional contra a Violencia de Xénero, que se conmemora o próximo mércores 25 de novembro, o Concello celebrou este luns un Pleno específico do Consello Municipal da Muller no que participaron as asociacións e grupos que constitúen o ente expoñendo diversas análises sobre esta lacra e a forma de combatela. Abel Caballero declarou no comezo da sesión plenaria que a muller e a loita contra a violencia machista é un obxectivo transversal do seu goberno.
luns, 23 nov 2015
Cos votos a favor do grupo socialista e do grupo popular e coa abstención de Marea de Vigo, o Concello deu luz verde á nova denominación da rúa "Vanessa Lage Carreira" para a actual travesía de José Antela Conde e a súa inclusión no rueiro municipal. Así, a cidade rende homenaxe á axente de policía falecida en acto de servizo hai un ano durante o atraco a unha entidade bancaria. A votación desenvolveuse na sesión extraordinaria do Pleno da Corporación celebrada este luns na que tamén se procedeu ao sorteo de formación das mesas electorais para as vindeiras Eleccións Xerais do 20 de decembro.
luns, 9 nov 2015
A Corporación Municipal celebrou este luns un Pleno Extraordinario para debater a aprobación inicial do orzamento do Concello para o ano 2016, ao que se lle deu luz verde cos votos a favor do grupo socialista e os votos en contra do Partido Popular e de Marea de Vigo. As emendas dos populares e a emenda á totalidade de Marea de Vigo foron rexeitadas. O concelleiro de Facenda, Jaime Aneiros, explicou que se trata dun presuposto pensado para atender as necesidades da cidadanía dedicando "polo menos 76 euros de cada 100 ás persoas".
luns, 26 out 2015
A unanimidade da Corporación aprobou este luns modificar o uso da parcela xunto ao Hospital Álvaro Cunqueiro para que o goberno de Vigo habilite un estacionamento público e gratuíto. O Concello, que investirá medio millón de euros en crear algo máis de 500 prazas, procura así paliar o problema da carencia dun aparcamento libre no centro hospitalario, competencia da Xunta de Galicia, segundo denunciou a concelleira de Urbanismo, María José Caride.