xoves, 5 abr 2018
A moción do Partido Popular saíu adiante cos votos a favor dos tres grupos municipais instando ao goberno local a acordar cos representantes dos traballadores unha adecuación retributiva "xusta" e que "remate coa discriminación" existente entre as retribucións de policías e bombeiros da cidade.
xoves, 5 abr 2018
Presentada pola concelleira de Transportes, Ángeles Marra, a moción saíu adiante cos votos do PSOE e de Marea, e a abstención do Partido Popular. O Concello insta á Xunta de Galicia a tramitar o convenio comprometido co goberno de Vigo para a posta en marcha dun bus directo entre a cidade e o seu aeroporto, tal e como subvenciona en Santiago con 340.000 euros anuais.
xoves, 5 abr 2018
O Pleno deste xoves tomou coñecemento do perímetro de consolidación e marcos orzamentarios para o periodo 2019-2021, o punto de partida para as contas do Concello do próximo ano, co emprego, a política social e a transformación da cidade como eixos. Vigo, primeira cidade en iniciar a tramitación.
xoves, 5 abr 2018
Anunciado polo alcalde o pasado luns, este xoves o Pleno acordou a creación deste ente administrativo independente, que nace cos obxectivos de achegar a administración ao cidadán, aumentar as garantías dos licitadores e gañar en axilidade e eficacia.
mércores, 28 feb 2018
Os grupos municipais do PSOE e da Marea de Vigo aprobaron a moción socialista para instar ao Ministerio de Agricultura e Pesca, Alimentación e Medio Ambiente a tomar as medidas axeitadas para recuperar o acceso a Toralla. Os concelleiros do PP votaron en contra despois de que foran rexeitadas a súas emendas.
mércores, 28 feb 2018
Todos os grupos políticos deron luz verde inicialmente á ordenanza que permitirá ao goberno sacar a mercado soares ou edificios abandonados, a través da poxa pública. Tal e como explicou a concelleira de Urbanismo, trátase dunha ferramenta para actuar no caso de espazos urbanísticos que non son atendidos polos seus respectivos propietarios.
mércores, 28 feb 2018
Aprobado hoxe mércores polo Pleno, o galardón recoñecerá a cidadáns, institucións e entidades en casos excepcionais e puntuais, sen unha periodicidade estipulada de antemán. A súa concesión constituirá o máximo honor que o Concello de Vigo poida outorgar.
mércores, 28 feb 2018
A Corporación aprobou unha moción presentada polo grupo de goberno amosando o "apoio" municipal á folga e "ás xustas reivindicacións laborais" dos traballadores da Xustiza. Ademais, ínstase ao vicepresidente da Xunta, Alfonso Rueda, a "escoitar" aos profesionais e "negociar unha solución".
mércores, 28 feb 2018
O Pleno debatiu este mércores a moción presentada por Marea, apoiada polo grupo socialista e na que o PP se abstivo. Así, o Concello amosa o seu apoio á folga feminista e ás accións convocadas co mesmo fin, "chamando á veciñanza á participación".