Anunciado polo alcalde o pasado luns, este xoves o Pleno acordou a creación deste ente administrativo independente, que nace cos obxectivos de achegar a administración ao cidadán, aumentar as garantías dos licitadores e gañar en axilidade e eficacia.
Os grupos municipais do PSOE e da Marea de Vigo aprobaron a moción socialista para instar ao Ministerio de Agricultura e Pesca, Alimentación e Medio Ambiente a tomar as medidas axeitadas para recuperar o acceso a Toralla. Os concelleiros do PP votaron en contra despois de que foran rexeitadas a súas emendas.
Todos os grupos políticos deron luz verde inicialmente á ordenanza que permitirá ao goberno sacar a mercado soares ou edificios abandonados, a través da poxa pública. Tal e como explicou a concelleira de Urbanismo, trátase dunha ferramenta para actuar no caso de espazos urbanísticos que non son atendidos polos seus respectivos propietarios.
Aprobado hoxe mércores polo Pleno, o galardón recoñecerá a cidadáns, institucións e entidades en casos excepcionais e puntuais, sen unha periodicidade estipulada de antemán. A súa concesión constituirá o máximo honor que o Concello de Vigo poida outorgar.
A Corporación aprobou unha moción presentada polo grupo de goberno amosando o "apoio" municipal á folga e "ás xustas reivindicacións laborais" dos traballadores da Xustiza. Ademais, ínstase ao vicepresidente da Xunta, Alfonso Rueda, a "escoitar" aos profesionais e "negociar unha solución".
O Pleno debatiu este mércores a moción presentada por Marea, apoiada polo grupo socialista e na que o PP se abstivo. Así, o Concello amosa o seu apoio á folga feminista e ás accións convocadas co mesmo fin, "chamando á veciñanza á participación".
O concelleiro de Facenda defendeu este mércores a execución orzamentaria de 2017 con argumentos avalados por outras entidades como a Autoridade Fiscal Independente. Máis de 12 millóns de superávit, débeda 0, primeira cidade en pago a provedores ou ter a menor presión fiscal de Galicia foron algúns dos aspectos que Jaime Aneiros subliñou ao longo da súa intervención.
O alcalde participou este mércores na estrea das novas instalacións do Garda Civil no Peirao do Comercio do Porto de Vigo. Abel Caballero destacou o "papel fundamental" do Instituto Armado en defensa da unidade de España e mencionou a cooperación coa Autoridade Portuaria de Vigo para salvar as trabas urbanísticas que permitiron acondicionar a zona.
Marea e PSOE deron luz verde esta mañá a unha moción que solicita a paralización da modificación da Lei Galega de Saúde. Durante o debate do texto defendido por En Marea, o grupo propoñente aceptou unha emenda socialista que reclama o rescate do hospital Álvaro Cunqueiro.