luns, 20 feb 2006
A Consellería de Cultura e Deporte, a través da súa Dirección Xeral de Patrimonio, vén de declarar o casco vello de Vigo como Ben de Interese Cultural (BIC) coa categoría de conxunto histórico-artístico.
mércores, 25 xan 2006
Máis de 47 centros escolares e preto de 2.000 alumnos pasaron , o ano 2005, polo Centro de Artesanía Tradicional durante os seis meses que dura o programa didáctico, na que o alumnado de Vigo e a súa área metropolitana teñen a posibilidade de achegarse aos oficios tradicionais con demostracións en directo, ademáis de poder visitar a exposición permanente.
martes, 24 xan 2006
O 30 de xaneiro remata o prazo de inscrición do programa formativo en Cestería Tradicional de Galicia de A Casa do Cesteiro. Os cursos que se realizarán son de cestría de vimbio pelado, de colmo, de madeira fendida e de vimbio con pel.
mércores, 11 xan 2006
O prazo de inscrición no Programa Formativo en Cestería Tradicional de Galicia da Casa do Cesteiro permanecerá aberto ata o próximo 30 de xaneiro.
venres, 23 set 2005
Continuando coas actividades complementarias que xiran arredor da exposición "Beleza e Utilidade. Artesanía Tradicional en Galiza", este fin de semana a xente que desexe poderá achegarse a Casa das Artes de Vigo, onde disfrutarán dunha demostración en vivo sobre o oficio das redeiras da man de Consuelo Martínez.
luns, 19 set 2005
A Casa do Cesteiro ten aberto o prazo de inscrición ata o 30 deste mes para participar no programa formativo de cestería tradicional en Galicia. Os curso de carácter gratuíto comezarán no mes de outubro.
venres, 16 set 2005
O artesán Javier Fernández Lage, especialista en facer sellas, tamén coñecidas como baldes, fará unha demostración en vivo do seu saber tradicional sobre a madeira , a fin de semana na Casa das Artes. Esta demostración ven formar parte da actividade "un fin se semán cos artesáns" complementaria da exposición Beleza e Utilidade Artesanía Tradicional en Galiza.
A charla enmárcase nas actividades didácticas programadas na exposición "Beleza e utilidade: a artesanía tradicional en Galicia"
martes, 13 set 2005
Continuando coas actividades de divulgación que se están a levar a cabo con motivo da exposición Beleza e Utilidade. Artesanía Tradicional en Galiza, o xoves 15 de setembro na planta 1ª da Casa das Artes de Vigo, ás 20:00 h terá lugar unha conferencia sobre a fala dos canteiros que correrá a cargo de Xorxe Rodrigues Gómes.
luns, 11 xul 2005
O concelleiro de Patrimonio Histórico, Ignacio Lopez-Chaves , entregou o luns os diplomas do programa formativo en cestería tradicional da Casa do Cesteiro. Os cursos orientáronse á cestería de colmo, cestería de madeira fendida, cestería de vimbio con pel, vimbio pelado e principios básicos da cestería tradicional galega.
mércores, 1 xuñ 2005
A localidade portuguesa de Melgaço celebrará os próximos días 3,4 e 5 de xuño o encontro "Galiza e Norte de Portugal: un patrimonio para o futuro", evento para a promoción da Candidatura de Patrimonio Inmaterial Galego-Portugués á Unesco".O Concello de Vigo participa neste evento a través das concellerías de Patrimonio Histórico co centro de Artesanía Tradicional –CAT- e co servizo de Normalización Lingüística.<br />