venres, 18 xul 2008
Durante os meses de verán, as persoas afeccionadas á arqueoloxía poderán participar de xeito gratuíto en obradoiros que a Concellería de Patrimonio Histórico desenvolverá no Museo de Castrelos. A concelleira de Patrimonio Histórico, a nacionalista Elena Maure, explica que para participar neles, as persoas interesadas só precisan facer reserva previa no teléfono 986 460 812.<br />
xoves, 12 xuñ 2008
O CAT, Centro de Artesanía Tradicional de Vigo, desenvolverá no mes de xullo as súas actividades estivais, con dous obradoiros que acheguen aos máis novos a cestería tradicional da Ría de Vigo cun dobre obxectivo: que aprendan de xeito lúdico as técnicas básicas do oficio de cesteiro, e conciencialos de cara á protección deste patrimonio, que tivo especial relevancia na nosa cidade ata hai uns anos.
xoves, 12 xuñ 2008
"Na liña dos museos de todo o mundo de programar nas súas instalacións actividades nocturnas, o museo Quiñones de León acollerá dende o venres 13 de xuño o espectáculo teatral interactivo "Noites negras en Castrelos".As noites negras consistirán en cinco espectáculos nos que se realizará unha visita guiada ao pazo e os seus xardíns durante a noite, de arredor dunha hora e media de duración, un venres de cada mes, entre xuño e outubro deste ano.
martes, 10 xuñ 2008
O Instituto de Estudos Miñoranos presenta hoxe martes, ás 20.00 hs, no museo municipal "Quiñones de León" as súas publicacións de homenaxe a Xosé María Álvarez Blázquez. No acto participarán a concelleira de Patrimonio Histórico, Elena Maure e o director xeral de Patrimonio Cultural da Consellería de Cultura e Deporte da Xunta de Galicia, Felipe Arias Vilas
martes, 10 xuñ 2008
A partir do vindeiro mércores 11 de xuño o museo municipal de Vigo "Quiñones de León" ofrece visitas guiadas ao pazo-museo, froito de colaboración entre o museo municipal e a oficina municipal de voluntariado do Concello de Vigo.
martes, 3 xuñ 2008
"Na liña dos museos de todo o mundo de programar nas súas instalacións actividades nocturnas, o museo Quiñones de León acollerá dende o venres 13 de xuño o espectáculo teatral interactivo "Noites negras en Castrelos", segundo anunciou este martes a concelleira de Patrimonio Histórico, a nacionalista Elena Maure. Fronte ás noites brancas habituais doutros museos as noites negras consistirán en cinco espectáculos nos que se realizará unha visita guiada ao pazo e os seus xardíns durante a noite, de arredor dunha hora e media de duración, un venres de cada mes, entre xuño e outubro deste ano.
luns, 2 xuñ 2008
A Casa Galega da Cultura acolle desde o luns, día 2 de xuño e ata o 29 do mesmo mes, a mostra "Terra e Mar. Cesteiros na Ría de Vigo" que organiza o CAT, Centro de Artesanía Tradicional, equipamento dependente da Concellería de Patrimonio Histórico do Concello de Vigo. A exposición plantea catro elementos cos que se xoga en cada unha das esceas: os usos para labores mariñeiras ou agrícolas dos cestos e o tipo de material, ben sexa bimbio ou madeira. A mostra realizase en colaboración coa Concellería de Cultura e Animación Sociocultural, Museo do Mar de Galicia, o Consorcio do Casco Vello, e o Instituo Camoes.
venres, 16 mai 2008
A concelleira de Patrimonio Histórico, Elena Maure, reivindicou este venres a importancia da figura de Xosé María Álvarez Blázquez para Vigo no acto de inauguración da exposición "Álvarez Blázquez. Arqueólogo de Vigo" no museo de Castrelos. A mostra, que pode visitarse dende hoxe e ata o 20 de xullo, reflicte a traxectoria de quen foi o primeiro comisario local das excavacións arqueolóxicas da cidade dende 1949 e impulsor da creación da sección de arqueoloxía do museo, da hemeroteca municipal e da conservación dos restos arqueolóxicos do municipio, e a quen este ano se lle adica o Día das Letras Galegas. <br />
venres, 4 abr 2008
O Consorcio do Casco Vello de Vigo e a Oficina Municipal de Rehabilitación Casco Vello-Bouzas convocan unha sesión informativa aos veciños, o luns 7 de abril, ás 19h30 no CITIC (Rúa de San Vicente) para explicarlles que tipos de axudas á rehabilitación están dispoñibles neste momento para propietarios privados.
martes, 1 abr 2008
O Museo Municipal "Quiñones de León" volve a editar a revista "Castrelos" na que se divulga as áreas de traballo do museo nos aspectos de arqueoloxía, arte, historia da cidade e museoloxía. A revista, primeiro número dunha segunda etapa, presentouna hoxe martes a concelleira de Patrimonio Histórico, Elena Maure e o director do museo, José Ballesta.