luns, 14 mar 2011
A iniciativa da Concellería de Medioambiente que dirixe a socialista Chus Lago completou onte domingo a senda de auga, con máis de 450 persoas inscritas. Os 12 quilómetros entre Pazos de Borbés e o encoro de Eiras finalizou co trazado iniciado nos dous domingos anteriores de 42 quilómetros. Trátase da primeira vez que o programa "Vigo Camiño a Camiño" percorre íntegra esta senda da auga.
luns, 7 mar 2011
A ruta do Camiño a Camiño, iniciativa da Concellería de Medioambiente que dirixe Chus Lago, percorreu onte domingo a antiga condución da traída da Auga, saíndo dos Valos, en Redondela, e finalizando en Pazos de Borbén. Os participantes atravesaron varias fervenzas e grandes carballeiras ao seu paso, onde non faltaron as referencias festivas ao Entroido.
luns, 7 mar 2011
O Departamento de Educación de VigoZoo, dependente da Concellería de Medioambiente, porá en marcha estas xornadas que se desenvolverán do 8 ao 11 de marzo para formar a futuros educadores. A actividades terá lugar en horario de 9 a 14 horas nas instalacións do zoolóxico vigués.
O prazo para estas rutas do "Camiño a Camiño" ábrese o vindeiro luns, 7 de marzo
venres, 4 mar 2011
"Na pequeruta polo Lagares", que se celebra o 12 de marzo, será preciso facilitar os datos dos rapaces telefonicamente no 010 pero tamén entregar o día da saída un consentimento informado. "Na ruta do Foxo do Lobo" haberá que preinscribirse no 010 ata o 11 de marzo. Os preinscritos deberán asistir a unha reunión informativa que terá lugar en Vigozoo o 15 de marzo. O programa "Camiño a Camiño" é unha iniciativa da Concellería de Medioambiente que dirixe Chus Lago.
xoves, 24 feb 2011
O Departamento de Educación de Vigozoo abre o prazo de inscrición das "Primeiras Xornadas Formativas de Educadores", que terán lugar dende o 8 ao 11 de marzo, de 9 a 14 horas nas instalacións do parque zoolóxico.
martes, 22 feb 2011
O alcalde de Vigo, Abel Caballero, e a concelleira de Medioambiente, Chus Lago, visitaron hoxe martes a nova instalación do parque de A Madroa, coa participación duns cen nenos e nenas. Os rapaces visitaron a cúpula co alcalde e a edil, ademais de atender a unha pequena charla divulgativa e visitar as instalacións de VigoZoo.
Os participantes visitarán as Covas do Rei Centolo, O Foxo do Lobo na Serra do Suído e a Ruta completa da Auga, entre outras
venres, 18 feb 2011
O vindeiro 27 de febreiro, a Concellería de Medio Ambiente que dirixe Chus Lago inicia a séptima edición do Camiño a Camiño, programa de educación ambiental que se consolida ao cuarto ano da súa posta en marcha. Un total de 19 actividades de educación ambiental, das que 13 son de nova incorporación, compoñen esta nova edición do programa con maior éxito de participación da Concellería, que ofrece prazas para máis de 4.000 persoas. Desta volta, Medio Ambiente planifica saídas específicas para nenos e nenas, en colaboración con VigoZoo, ademais de retomar as exitosas rutas nocturnas ou as visitas ás Illas Cíes, entre outras.
xoves, 10 feb 2011
A concelleira de Medioambiente, Chus Lago, presentou este xoves o primeiro conto editado polo zoolóxico vigués, "Larpeiros do Nocturama", coa participación de 80 escolares dos colexios Chans de Bembrive e Valle Inclán de Lavadores. Xunto á ilustradora e á autora do conto, os nenos percorreron as instalacións de VigoZoo e coñeceron ás distintas especies animais alí presentes, e asistiron á representación da contacontos Eva Vila.
luns, 7 feb 2011
A concelleira de Medioambiente, Chus Lago, presentou no Pleno deste luns unha moción de urxencia ao respecto, pois a Xunta de Galicia adxudicou a instalación duns "vinte muiños de vento" no Galiñeiro, segundo o anteproxecto, ademais dunha instalación subterránea. Socialistas e nacionalistas defenderon, coa negativa do PP, as enerxías renovables como a eólica pero rexeitaron a súa ubicación nesta Serra viguesa.
venres, 4 feb 2011
A concelleira de Medioambiente, Chus Lago, explicou este venres que xa rematou a limpeza e recuperación do humidal de A Bouza e procederá de "inmediato" á instalación de dous miradores "pouco invasivos" para que a cidadanía poida aprender e observar a vida dos humidais urbanos. Por outra banda, o departamento continúa cos traballos de revalorización dos outros catro identificados ata o momento, o de O Vao, Goberna, Muíños e Barreiros.
