mércores, 2 nov 2011
Abel Caballero entrevistouse este mércores coa asociación do centro educativo Rosalía de Castro, que está a celebrar o seu 50 aniversario, para solicitoulle ao alcalde vigués que considere designar á entidade Vigués Distinguido no próximo mes de marzo. O primeiro edil, quen eloxiou o traballo do centro, indicou que trasladará a petición ao Pleno da Corporación.
venres, 28 out 2011
O alcalde de Vigo, Abel Caballero, anunciou hoxe venres a contratación en Xunta de Goberno Local dunha nova escola infantil municipal en Martínez Garrido 29, para o que o Concello adica 300.000 euros. Trátase do segundo centro infantil contratado polo goberno nunha semana, tras o aprobado o pasado venres para Navia. O rexedor recordou que as escolas de Tomás Alonso e Casiano Martínez están "a punto de abrir".
xoves, 27 out 2011
Este venres 28 os 31 comedores escolares que xestionan as Anpas dos centros públicos de educación infantil e primaria, no marco do convenio de colaboración que ten asinado o Concello de Vigo e a Federación Olívica de Asociacións de Nais e Pais de alumnos/as (FOANPAS), acollerán a xornada didáctica "Pescado la mar de sano" de fomento do consumo de peixe entre os 2.300 escolares usuarios deste servizo complementario.
mércores, 26 out 2011
Esta iniciativa didáctico-teatral é un espazo aberto á creatividade no que o alumnado mostra as<br />
súas propias creacións artísticas e a primeira cita é o venres 28 ás 18,30 hs. no Auditorio da<br />
EMAO- Escola Municipal de Artes e Oficios-
venres, 21 out 2011
A Xunta de Goberno Local aprobou este venres a licitación do proxecto básico e de execución para as obras de construción dunha escola infantil municipal en Navia, para o que o goberno local adica 700.000 euros. Caballero recordou que en próximos meses comezarán a funcionar as de Tomás Alonso e Casiano Martínez, e Mestres Goldar ten partida para continuar coas obras. O goberno conta ademais con 300.000 euros para proxectos de escolas infantís en A Seara, Lavadores e A Doblada.
martes, 20 set 2011
Abel Caballero cifrou o "apoio" do goberno que preside á ensinanza, singularmente á publica, nos 2,5 millóns de euros que destina este ano o Concello de Vigo a becas de libros, comedor e inglés, cando en 2007 o total ascendía a 605.000 euros. O alcalde e a concelleira de Educación, Raquel Díaz, acudiron este martes ao Instituto Santa Irene para a inauguración oficial do curso de Secundaria e Bachiller, nos que estudarán uns 20.000 vigueses este ano.
Anuncio de Educación
luns, 19 set 2011
A Escola Municipal de Artes e Oficios vén de realizar a convocatoria de preinscrición para alumnado de novo ingreso no curso 2011-2012. Iniciase o prazo o luns día 19 de setembro, ata o 23 dese mes, poderá facerse tanto a través de internet --accedendo ao formulario de solicitude on line colgado da páxina web do Concello de Vigo www.vigo.org (-Educación-Escola Municipal de Artes e Oficios)--, como presencialmente nas oficinas da EMAO situadas na rúa de Garcia Barbón.Ofértanse 253 prazas de novo ingreso.
martes, 13 set 2011
Abel Caballero acudiu este martes ao aeroporto de Vigo para despedir aos primeiros 96 estudantes que disfrutarán a súa beca de estudos no estranxeiro, dun total de 510 que sufraga este ano o goberno local -440 de Secundaria entre colexios públicos e concertados e outros 70 da Escola Oficial de Idiomas en Vigo-. O investimento do Concello nesta medida de formación ascende este ano a 1.170.000 euros.
luns, 12 set 2011
Abel Caballero visitou este luns o CEIP Canicouva, onde indicou que 40.688 estudantes inician o novo curso escolar na cidade. De cara ao próximo orzamento municipal, o alcalde explicou que incrementarán os recursos económicos para facer fronte ao incremento "prácticamente do dobre" nas solicitudes de bolsas de comedor e de libros. Caballero ratificou "a nosa vocación de impulso á educación e singularmente á educación pública" como "factor de igualdade irrenunciable".
mércores, 7 set 2011
Tal e como informou o alcalde en declaracións aos medios, o Concello de Vigo ten iniciado a redacción dos proxectos para a construcción de catro novas escolas infantís municipais, ubicadas en A Seara, A Doblada, Navia e Lavadores, co obxectivo de acadar o próximo curso unha oferta municipal de 1.000 prazas. Ademais, Caballero esixiu á Xunta de Galicia que amplie os comedores escolares para poder cubrir as 4.257 solicitudes de beca que recibiu o Concello.
