O alcalde saudou este xoves aos estudantes dun instituto de Lorient, en Francia, de visita na cidade por un intercambio co alumnado do IES A Guía. Trátase de xornadas de confraternización entre os centros de ambos países para mellorar o idioma, fomentar a convivencia entre os alumnos e preparar futuros intercambios
A Escola Municipal de Teatro organiza no mes de xullo os obradoiros monográficos de "Creación teatral", "Interpretación ante a cámara" e "Teatro Musical" dirixidos a persoas maiores de 15 anos. O prazo de preinscrición para estes obradoiros comezará o 9 de xuño e finalizará o 24 de xuño.
Os estudantes aos que o curso pasado lles correspondía gozar dunha das bolsas de inglés que o Concello outorga poderán viaxar a Gran Bretaña en 2015. O Concello organizará unha convocatoria extraordinaria para que estes alumnos -que o ano que ven cursarán 2º de bacherelato- viaxen no mes de setembro coa bolsa "que a cidade lles debe".
O programa municipal de inmersión lingüística, Vigo en inglés 2014, permitirá a 290 alumnos da ESO viaxar este verán a Gran Bretaña. O alcalde anuniciou hoxe venres qeu serán alumnos de 3º da ESO os que este ano gocen desta oportunidade de formación que conta cun orzamento de 696.000 euros.
Caballero avanzou este luns que a sede viguesa da Universidad Nacional de Educación a Distancia mudará a un "gran edificio" a partir do novo curso, un "lugar referencial" que non desvelou para acoller as cinco novas titulacións aprobadas para Vigo e con capacidade para ampliar a oferta formativa. O Concello, cun orzamento de 200.000 euros, asume a totalidade do custo da UNED viguesa.
O alcalde anunciou este venres que a xunta reitora do Padroado se reunirá o próximo día 30 de abril e valorará a solicitude, cursada desde Vigo, de impartir na cidade olívica os graos de Dereito, Enxeñería en Tecnoloxías da Información, Enxeñería Informática, Turismo e Educación Social desde o próximo curso 2014/15.
A Hemeroteca da Escola Municipal de Artes e Oficios acolle o venres, 25 de abril, a presentación do libro "O Gabinete das marabillas de Arxentino da Rocha Alemparte" de Irene Pérez Pintos e Rodrigo Pérez Pintos. O acto terá lugar ás 20 horas.
O alcalde informou este venres da aprobación dunha segunda resolución de axudas municipais ao comedor escolar, 70.000 euros máis para financiar a bolsa daqueles alumnos que, cumprindo cos requisitos, quedaron en lista de agarda no presente curso. O Concello adica 1,7 millóns para conceder un total de 5.450 axudas.
Caballero entrega hoxe luns 46 bolsas aos alumnos da Escola Oficial de Idiomas de Vigo, que gozarán de estancias lingüísticas no Reino Unido, Francia, Alemaña, Italia, Portugal, China e Xapón, subvencionadas polo Concello. No orzamento deste ano, o goberno local recupera as bolsas de inglés para 300 alumnos de Secundaria, cunha partida de 700.000 euros, e dependendo do nivel de renda.
A Escola Municipal de Teatro de Vigo realizará esta fin de semana o evento "Trazos nas Táboas", representación de pezas breves de micro-teatro. A actividade nace coa intención de incentivar a creatividade na nosa comunidade educativa, así como de dar a coñecer a existencia e actividades que desenvolve a Escola Municipal de Teatro (EMT).