Escoitar

Actividades das escolas municipais de música

Continúa o desenvolvemento do programa municipal "Música coa escola", de divulgación das actividades das escolas municipais Escola municipal de música de Vigo (EMMV) e Escola municipal de música folk e tradicional (E-TRAD).

martes, 2 feb 2016
1454418904escolamusica.jpg
Concretamente, hoxe martes día 2 de febreiro, o profesorado da E-TRAD ofreceu no Auditorio Municipal o seu concerto "Tocar é sentir" ó alumnado dos centros educativos IES Rosais 2 e IES A Guía, CEIP Mestres Goldar de Castrelos e CPR Montecastelo.

O ciclo de concertos completarase ata finais de curso coas actuacións do profesorado da EMMV (Concerto "Música para a tolerancia") os mércores 24 de febreiro, 16 de marzo, 13 de abril e 27 de abril; e do profesorado da E-TRAD (Concerto "Tocar é sentir") os martes 1 de marzo, 15 de marzo, 26 de abril e 24 de maio:

Paralelamente, hoxe día 2 de febreiro e o vindeiro xoves día 4 de febreiro, no Auditorio municipal, a partir das 18,00h, a EMMV celebrará o seu "Festival de Entroido", coa participación cada día de, entre outros, máis de 100 pequenos artistas que mostrarán os seus progresos musicais nun ambiente lúdico e festivo.