venres, 14 nov 2014
Abel Caballero insistiu hoxe na necesidade de que Vigo viva na "globalización e na internacionalización" durante unha recepción a catro profesoras de Helsinki que visitan o colexio Frián Teis para coñecer o proxecto educativo do centro. O rexedor déulle a benvida ás docentes e abogou por "estimular estas acccións internacionais", nas que encaixou as bolsas de inglés que outorga o Concello.
luns, 10 nov 2014
O alcalde informou este luns das datas de saída e regreso dos 300 bolseiros dunha estadía de case un mes en Irlanda ou Inglaterra en réxime de inmersión lingüística. Os estudantes, de 3º de ESO, partirán entre o 21 e o 26 de novembro e retornarán entre o 12 e o 17 de decembro. O Concello adica 700.000 euros a este programa.
xoves, 6 nov 2014
A Escola Municipal de Artes e Oficios de Vigo inaugura o venres 7 a exposición producida integramente pola EMAO, presenta algúns dos proxectos de fin de estudos de alumnado que rematou as suas ensinanzas no curso pasado.
venres, 24 out 2014
O alcalde informou este venres da aprobación das bases da convocatoria das 43 bolsas Concello de Vigo para estancias lingüísticas no estranxeiro para o alumnado da sede viguesa da Escola Oficial de Idiomas. Esta iniciativa, impulsada cada ano polo goberno de Caballero desde 2009, conta con 80.000 euros de orzamento para estudos en Londres, París, Berlín, Roma, Lisboa, Pekín e Tokio.
venres, 17 out 2014
Caballero indicou este venres que os 290 bolseiros do Concello -alumnos de 3º de ESO- partirán finalmente a Irlanda o 21 de novembro e a Inglaterra os días 25 e 26 do próximo mes, para completar a súa estadía dun mes en inmersión no estranxeiro. O rexedor explicou que estas datas, elixidas cos responsables dos principais centros educativos, son axeitadas desde o punto de vista académico.
martes, 14 out 2014
Abel Caballero indicou que esta achega permitirá que a Federación de Asociacións de Pais e Nais de Alumnos de Vigo poida organizar case 500 actividades extraescolares de diversa índole en 52 centros públicos da cidade, das que participarán case 9.000 alumnos.
venres, 26 set 2014
O alcalde de Vigo participou esta mañá no inicio do curso escolar no colexio San Miguel, un centro que en Vigo ten unha "importante traxectoria", atendendo todas as estapas educativas ata a Universidade, incluíndo a Formación Profesional. Durante o acto, Caballeo quixo recoñecerlle aos responsables do centro a súa "gran función educativa" así como a todos os mozos e mozas que se formaron neste colexio desde os anos 60.
martes, 16 set 2014
Abel Caballero avanzou esta mañá que espera unha resolución do Tribunal Administrativo Central que permita desbloquear as bolsas de inglés concedidas para este mesmo mes de setembro. En todo caso, e como plan B, o rexedor explicou que, se non pode ser agora, os alumnos beneficiados coas bolsas de inglés gozarán da súa estancia en Gran Bretaña en decembro ou xaneiro, aproveitando parte das vacacións escolares. Así o explicou durante a inauguración do curso de ensino secundario no IES República Oriental de Uruguai.
mércores, 10 set 2014
O alcalde de Vigo achegouse esta mañá ao Ceip Coutada-Beade con motivo do inicio do curso escolar en infantil e primaria. Logo de percorrer algunhas aulas, o rexedor lembrou que o Concello investiu preto dun millón de euros na posta a punto de 49 centros educativos na cidade.
xoves, 14 ago 2014
Nunha visita ás obras de mellora do CEIP Frian Teis, o alcalde explicou que o Concello adica en 2014 un total de 540.000 euros a reformas en 45 centros educativos da cidade. Subliñou Caballero os 300.000 euros destinados pola administración local á mellora da accesibilidade aos colexios.
