venres, 26 xuñ 2015
O venres 26 de xuño ás 19:00, inaugurase a exposición "O Feo" no Espazo Emao. Dentro da programación anual da Escola Municipal de Artes e Oficios de Vigo, inclúese, ao remate de cada curso académico, a producción dunha exposición dos resultados materiais e simbólicos dun proxecto -proposto no claustro do profesorado- que, partindo dunha idea xeradora única, interpretada libremente, dea lugar ao despregue do traballo, imaxinación e saber facer dos distintos talleres.
mércores, 24 xuñ 2015
A Escola Municipal de Teatro, ten previsto realizar no mes de xullo de 2015 dous Obradoiros de INTERPRETACIÓN ANTE A CÁMARA (do 3 ao 10 de xullo) e TEATRO MUSICAL CONTEMPORÁNEO, (do 13 ao 17 de xullo) nas instalacións da EMT, avenida de Castelao nº87 (interior), en horario de 17:00 a 21:00 horas. Amplíase o prazo de preinscrición ata o 30 de xuño.
luns, 22 xuñ 2015
A Escola Municipal de Teatro,realiza no mes de xullo de 2015 tres Obradoiros de: DANZA PARA ACTORES, INTERPRETACIÓN ANTE A CÁMARA e TEATRO MUSICAL CONTEMPORÁNEO,nas instalacións da EMT, avenida de Castelao nº87 (interior), en horario de 17:00 a 21:00 horas.O prazo de preinscrición finalizará o 23 de xuño.
venres, 19 xuñ 2015
O Concello avanza nos trámites administrativos das escolas infantís de Navia e Mestres Goldar para axilizar ao tempo que se espera polas pertinentes autorizacións da Xunta. Deste xeito, o goberno local confía en que en setembro poidan funcionar, tal e como estaba previsto.
mércores, 17 xuñ 2015
Abel Caballero felicitou esta mañá aos 7 alumnos que gañaron a final internacional do Rally Científico sin Fronteras. Organizado pola Universidade Paul Sabatier de Toulouse o pasado 22 de maio, o concurso sometou aos estudantes a probas de matemáticas e ciencias. Estes participantes viaxaron á Francia co apoio económico do Concello.
mércores, 27 mai 2015
O alcalde saudou esta mañá a un grupo de alumnos de 5º y 6º de primaria (10-11 años) que visitaron o Concello para familiarizarse coa estrutura da administración local. Caballero destacou a bondade do programa "Coñece o teu Concello" e avanzou a súa vontade de reforzalo porque axuda aos rapaces a entender o funcionamento da cidade.
mércores, 27 mai 2015
O alcalde avanzou esta mañá a previsión de que a próxima semana se aproben definitivamente as listas de beneficiarios das bolsas de inglés. Este mes de setembro serán 459 estudantes os que gozen dunha estadía no estranxeiro para aprender inglés.
mércores, 13 mai 2015
O vindeiro venres, 15 de maio ás 19:00 h na Biblioteca da Escola Municipal de Artes e Oficios terá lugar a proxección "ISLAS, NÁUFRAGOS INVISIBLES" do fotógrafo Miguel Núñez. Trátase dunha montaxe de imaxe e son, na que se propón unha reflexión sobre o sinxelo que pode ser estar á marxe da sociedade, ou ser invisibles.
martes, 5 mai 2015
O alcalde de Vigo, Abel Caballero, asistíu este martes a primeira das sesións deste evento. Os días 5, 6, 7, 11 e 12 de maio, o Auditorio do Concello, alberga as VI XORNADAS MUNICIPAIS DE TEATRO ESCOLAR, nas que participan 320 actores e actrices noveis pertencentes a 13 centros de educación primaria e aos grupos de nenos/as dos grupos de Expresión Dramática da Escola Municipal de Teatro de Vigo. Estas xornadas posibilitan unha experiencia de participación aberta a toda comunidade educativa: alumnado, profesorado, familias e contorno.
mércores, 29 abr 2015
A comezos da próxima semana o Concello iniciará os traballos de mellora da sede da UNED de Vigo, no Casco Vello, cun orzamento de 45.000 euros. Así informóuno este mércores o alcalde de Vigo, quen apuntou que o obxectivo da reforma é a restauración e posta en valor do inmoble.
