venres, 11 dec 2015
A Xunta de Goberno Local adoptou este venres a decisión, que suporá o traslado das aulas da UNED de Vigo á terceira planta do Auditorio Pazo de Congresos, a apertura dun espazo de lectura na segunda e un novo proxecto educativo-cultural no primeiro andar. O alcalde xa adiantou que solicitará a impartición en Vigo de novas carreiras desta Universidade, que se sumen ás 13 titulacións xa concedidas.
xoves, 10 dec 2015
Durante toda a semana do 14 ao 18 de decembro, as escolas municipais de música e artes escénicas dependentes da Concellería de Educación do Concello de Vigo (Escola municipal de música de Vigo -EMMV-, Escola municipal de música folk e tradicional -ETRAD-, Escola municipal de danza -EMD- e Escola municipal de teatro -EMT-), farán a súa aportación ao ambiente deste Nadal na rúa do Príncipe, ao carón do MARCO, mediante pequenas actuacións de formacións propias de cada escola.
mércores, 9 dec 2015
O alcalde mantivo un encontro este mércores con Óscar Ortega, director xeral da Fundación Amancio Ortega, quen lle propuxo ao Concello a cesión dun terreo para a construción dunha escola infantil na cidade. A obra sería responsabilidade da Fundación e a xestión da Xunta de Galicia. O rexedor confirmou a cooperación municipal pero demandou presenza na xestión do centro educativo.
mércores, 18 nov 2015
O alcalde de Vigo visitou este mércores este centro educativo de Coia, onde o goberno local investiu algo máis de 80.000 euros para construír a nova biblioteca na antiga casa do conserxe e mellorar así "unha deficiencia dun colexio tan importante como o Celso Emilio Ferreiro", nunha decisión que o Concello asumiu malia que estas obras, dixo Abel Caballero, "son competencia da Xunta de Galicia". <br />
venres, 13 nov 2015
O Espazo EMAO, no Edificio da EScola Municipal de Artes e Oficios de Vigo acolle entre o 13 de novembro e o 31 de decembro a exposición colectiva das obras do alumnado de distintas disciplinas. A mostra inaugúrase o venres día 13 de novembro ás 19:00 horas e poderá visitarse de luns a venres entre as 19:00 e as 21:00 horas da noite.
mércores, 11 nov 2015
O rexedor deu a coñecer este mércores a aprobación das bases da convocatoria das bolsas do Concello para estadías de aprendizaxe lingüística destinadas aos estudantes da Escola Oficial de Idiomas de Vigo para o ano 2016. Concederanse 47 bolsas por un importe de 80.000 euros, unha cifra que aumentará coa oferta de ata 600 axudas o vindeiro ano porque, segundo Abel Caballero "é moi importante aprender idiomas".
venres, 16 out 2015
A Escola Superior de Arte Dramática (ESAD) inaugurou hoxe o novo curso nun acto no que participaron a presidenta da Deputación de Pontevedra, Carmela Silva, e Abel Caballero, quen confiou en que o centro poida acometer a ampliación das súas instalacións para dar cabida a todas as actividades e, con iso, "facer algo máis poderoso". O rexedor celebra os dez anos da instalación da ESAD en Vigo polo enriquecemento cultural que supón para o territorio vigués e para o sur da comunidade. O rexedor agradeceu, no nome da cidade, a presenza no acto do historiador e investigador Ramón Villares e felicitou aos estudantes porque, dixo, o camiño que queda "é aínda mellor que o de anos pasados".
xoves, 15 out 2015
O alcalde de Vigo ratificou hoxe xoves o compromiso de Vigo co ensino público, garantindo o convenio anual de 606.000 euros que ten coas Foanpas. Na mesma rolda de prensa, tamén avanzou a vontade do Concello de ceder de xeito inmediato á Xunta os terreos para ampliar o Ceip Castelao de Navia, aínda que lle recriminou un retraso de dous anos nesta solicitude.
mércores, 14 out 2015
Segundo informou este mércores Abel Caballero, a dirección da Universidade Nacional de Educación a Distancia aprobou onte a impartición en Vigo dos grados de Estudos Ingleses, Administración e Dirección de Empresas, Ciencias Ambientais, Psicoloxía, Ciencia Política e da Administración, Pedagoxía, Xeografía e Historia, e Historia da Arte. Sumaranse aos cinco que xa se ensinan na cidade.
martes, 13 out 2015
Cun orzamento de 150.000 euros, o parque de enerxías renovables de Navia contará nunha primeira fase con elementos que xeran enerxía hidráulica aos que máis adiante se lles sumarán áreas temáticas co resto de enerxías renovables: eólica, solar ou térmica. Esta zona verde tamén albergará o segundo dinoseto da cidade.
