martes, 21 mai 2013
Os días 21, 22, 23, 27, 28 e 29 de maio o Auditorio Municipal do Concello de Vigo, albergará, baixo a dirección técnica da Escola Municipal de Teatro, as IV XORNADAS MUNICIPAIS DE TEATRO ESCOLAR, nas que participarán máis de 400 novos actores e actrices pertencentes a 15 centros de educación primaria e aos grupos de nenos/as da Escola Municipal de Teatro de Vigo. Estas xornadas posibilitan unha experiencia de participación aberta a toda comunidade educativa: alumnado, profesorado, familias e contorno.
xoves, 16 mai 2013
O goberno local incrementou en 183.000 euros a subvención que reciben as Foanpas para sufragar gastos de comedor, actividades extraescolares e aulas matinais. En total, o importe da achega é de 656.039,31 euros.
Biblioteca da EMAO, venres 10 de maio ás 19:00 horas
xoves, 9 mai 2013
Dentro das actividades complementarias da Exposición Emilio Fernández Rodal (1912-1972). Retrato de Sociedade dun artista vigués, que se exhibe, ata o día 6 de xuño, na sala de exposicións (Espazo EMAO) da Escola de Artes e Oficios de Vigo, Beatriz De San Ildefonso, conservadora da Museo de Pontevedra e especialista en pintura galega contemporánea, impartirá a conferencia titulada "O contexto artístico de Emilio Fernández Rodal: as claves da súa pintura". O acto terá lugar na Biblioteca da Escola de Artes o venres 10 de maio ás 19:00 horas, con entrada libre ata completar o aforo.<br />
mércores, 24 abr 2013
O pleno do Consello Escolar Municipal de Vigo acordou ratificar un acordo que se adoptara no ano 2011 de facer un recoñecemento expreso ás figuras de Constancio (Chito) Veiga e González e Jose Mª García Picher polo importante labor pedagóxico e docente que ambos desempeñaron ao longo da súa vida.
mércores, 24 abr 2013
O Pleno do Consello Escola Municipal aprobou unha moción presentada por unha das súas comisións de traballo, a Comisión de Equipamentos e Planificación Educativa, con maioría de votos a favor (18 votos) e co único voto en contra do representante da administración educativa competente. O texto insta ao goberno autonómico a facerse cargo de todos os comedores de centros públicos.
Poderán participar todos os alumnos e alumnas de Educación Infantil, Primaria e Secundaria<br />
dos centros educativos de Vigo
martes, 23 abr 2013
O Concello presenta unha nova edición do "IV Certame de Arte Infantil" para a promoción da creatividade na escola, que vai dirixido a toda a Comunidade Educativa da nosa cidade. Por cuarto ano consecutivo, os alumnos e alumnas de Educación Infantil, Primaria e Secundaria dos Colexios de Vigo poderán presentar os seus traballos máis creativos para participar neste Certame, que xa se consolidou como a gran festa da creatividade e a arte.
martes, 23 abr 2013
O pasado 18 de abril de 2013, reuniuse no Instituto Municipal de Educación en sesión plenaria o Consello Escolar Municipal de Vigo (CEMV). Nesta sesión aprobouse unha moción presentada por unha das súas comisións de traballo, a Comisión de Equipamentos e Planificación Educativa, con maioría de votos a favor (13 votos fronte a 2 en contra).
venres, 19 abr 2013
O Concello adicará o curso que ven 1,6 millóns de euros a bolsas de comedor e libros, una cantidade que, segundo explicou, suple o recorte de 200.000 euros acometido pola Xunta nesta materia. Durante a rolda de prensa, lembrou que no presente curso escolar, son preto de 4.000 escolares os beneficiarios dunha bolsa de comedor municipal.
Inaugúrase o venres 19 de abril na Escola Municipal de Artes e Oficios de Vigo
xoves, 18 abr 2013
Esta é a primeira exposición retrospectiva que se lle realiza a Emilio Fernández Rodal en Vigo desde o seu finamento no ano 1972. A Escola Municipal de Artes e Oficios de Vigo quere homenaxear así a creación artística dun notable retratista que iniciou a súa vocación nas aulas desta Escola e que non dubidou en devolverlle parte da súa inspiración, impartindo clases de debuxo e pintura ou recuperando, trinta anos despois, o Certame de artistas noveis neste mesmo centro. Na mostra exhíbense case medio centenar de obras pictóricas do autor e imaxes e documentación que ilustran o contexto social e cultural da súa creación e da súa época.<br />
xoves, 18 abr 2013
A Escola Municipal de Teatro de Vigo ten previsto realizar durante a vindeira fin de semana o evento "Trazos nas Táboas", consistente na representación de pezas breves de micro-teatro.Esta actividade nace coa intención de incentivar, potenciar e promover a creatividade na nosa comunidade educativa, así como de dar a coñecer á cidade a existencia e actividades que desenvolve a Escola Municipal de Teatro (EMT).<br />
