O alcalde participou este martes na presentación desta iniciativa, no CEIP Balaídos, promovida por FCC e Contenur. De abril a xuño, máis de 3.500 escolares de Primaria tomarán parte nesta proposta, con Dinoseto como responsable de ensinar aos pequenos a importancia de reciclar e manter limpa a cidade.
Goberno local e Foanpas revalidaron esta mañá un convenio de colaboración de 606.039,31 euros para bolsas de comedor, actividades extraescolares e a aula matinal. En total, o Concello financia 5.000 bolsas de comedor cun importe de 1,8 millóns de euros, sen que exista lista de agarda.
Os días 4, 5, 9, 10 e 18 de maio o Auditorio do Concello de Vigo albergará baixo a dirección técnica da Escola Municipal de Teatro, as VII XORNADAS MUNICIPAIS DE TEATRO ESCOLAR, nas que participarán 335 actores e actrices noveis pertencentes a 11 centros de educación primaria e aos alumnos/as dos grupos de Dramatización III, Dramatización IV e Básico 9-11 anos da Escola Municipal de Teatro de Vigo. Estas xornadas posibilitan unha experiencia de participación aberta a toda comunidade educativa alumnado, profesorado, familias e contorno.
Abel Caballero e Salustiano Mato mantiveron un encontro este martes para tratar de darlle un novo impulso á Cidade do Mar, proxectada dende hai sete anos na ETEA, e que tamén contempla o uso da antiga residencia de militares como espazo para aloxamento de uso social. O Concello levará esta proposta ao próximo pleno de Zona Franca, propietaria dos terreos.
O goberno local aprobou este venres o texto do convenio entre o Concello e a Deputación segundo o cal o organismo presidido por Carmela Silva achegará ata 600.000 euros para acondicionar a sede viguesa da UNED no Auditorio Mar de Vigo e a sala de lectura-biblioteca, que será "a máis grande de Vigo".
Abel Caballero insta á Xunta á habilitar de forma inmediata a partida orzamentaria correspondente para acometer a ampliación do colexio Alfonso Rodríguez Castelao. O alcalde avanzou en rolda de prensa que o Concello xa cumpriu os trámites urbanísticos necesarios para realizar estas obras ao dotar á parcela de uso de equipamento educativo.
O alcalde visitou este xoves o centro educativo vigués, que acolle esta exposición itinerante de Correos con distintas actividades relativas ao mundo do selo. Unha destas foi a presentación de dous selos de curso legal con temática de Vigo, deseñadas polos alumnos e alumnas do CEIP Balaídos e eloxiados por Caballero.
O alcalde de Vigo avanzou hoxe venres a cooperación do Concello coa celebración que a Facultade de Ciencias do Mar está a organizar con motivo do seu 25 aniversario o próximo curso académico. Logo de manter un encontro coa decana, María Amelia Coello, e co catedrático emérito Federico Vilas, Caballero eloxiou o cuarto de século de presencia na cidade dunha facultade "cun historial de investigación e docencia excepcional".
O 27 de marzo celebrouse en todo o mundo o "Día Mundial do Teatro". Con tal motivo, a Escola Municipal de Teatro de Vigo organiza un acto que terá lugar o xoves 31 de marzo, ás 19:00 horas, no auditorio do Concello de Vigo, e consistirá nunha mostra de diversas escenas representadas por alumnos/as da Escola.
A Xunta de Goberno Local renovou esta mañá o convenio de colaboración con Foanpas por importe de 606.039,31 euros cos que se subvenciona ao alumnado de 32 comedores escolares. A este montanta hai que sumar as achegas procedentes do departamento de Benestar Social que elevan a preto de 2 millóns a cantidade que o Concello adica a sufragar 5.000 axudas.