O Concello achega aos escolares vigueses a historia de mulleres senlleiras
O alumnado de primaria de diferentes centros da cidade participa dende hoxe e ata o mes de maio no programa "Magas" co que o goberno municipal quere achegarlles a traxectoria de mulleres senlleiras do ámbito artístico, científico, laboral ou deportivo, entre elas estarán Maruja Mallo ou Rebeca Atienza. O alcalde saudou hoxe no Auditorio do Concello aos escolares que coñeceron, de xeito didáctico e divertido, a historia da oceanógrafa Ángeles Alvariño.
