A Escola Municipal de Artes e Oficios expón os traballos do seu alumnado na súa sede
O Espazo EMAO, no Edificio da EScola Municipal de Artes e Oficios de Vigo acolle entre o 13 de novembro e o 31 de decembro a exposición colectiva das obras do alumnado de distintas disciplinas. A mostra inaugúrase o venres día 13 de novembro ás 19:00 horas e poderá visitarse de luns a venres entre as 19:00 e as 21:00 horas da noite.
Dentro das medidas implementadas no Plan de Estudos da Escola, deseñouse, para o alumnado que remataba os seus estudos nas distintas especialidades, a opción Aula Aberta-Proxectos. Nela ofrecíaselle a posibilidade de desenvolver, durante un ano, un proxecto de carácter persoal no que plasmar as aprendizaxes e inquedanzas do seu paso pola especialidade cursada na Escola.
Este proxecto individual --seleccionado previamente polo seu mestre/a, e supervisado por el/ela durante o seu desenvolvemento posterior en réxime de titoría-- pode ter un carácter investigador, creador, de afondamento nunha técnica ou nunha idea, de experimentación con novos materiais...
Na presente exposición, producida integramente pola EMAO, presentamos algúns dos proxectos dos/as alumnos/as que remataron os seus estudos no curso 2014-2015 e que, ao longo do curso seguinte, materializaron a súa proposta inicial, man a man co seu titor/a. Do proceso proxectual, recóllense aquí os resultados, os produtos creativos ou artesanais, que representan o froito parcial, unha mostra especial, da experiencia e o coñecemento vivido nas aulas e obradoiros ao longo dos seus estudos. En todos eles plásmanse materialmente os obxectivos de excelencia técnica e creatividade que figuran como base do proxecto formativo da Escola Municipal de Artes e Oficios de Vigo.
Proxectos 2015
No obradoiro de Artesanía en Coiro, a técnica do puído por capas ou laminado en coiro, é unha técnica que nos últimos tempos está a adquirir un pulo artístico moi importante, aínda que tradicionalmente se empregaba para facer os tacóns dos zapatos. Na actualidade dedícase á chamada xoiería en coiro, á escultura, ou como recheo para outras técnicas. As dúas alumnas amósannos dous puntos de vista diferentes do seu emprego: a talla, como se de madeira se tratase, e a xoiería, cuns resultados espectaculares. O corsé é unha peza de vestir cun carácter especial. Nunha das pezas contamos coa colaboración da especialidade de Moda e Confección da nosa Escola, fundindo a tradición do repuxado na EMAO coa temática do estilo Sheridan do carving americano.
A aula de Cerámica presenta tres propostas: unha de carácter conceptual en torno ás doenzas mentais a partir dunha instalación; a segunda emprega un bodegón para amósarnos a cerámica tradicional con pezas empregadas en toda Galicia, sobre todo nos lugares chamados aldeas dos oleiros; a terceira proposta recrea en pezas de porcelana a vida de tres mulleres buzo do Xapón, tres irmás que se mergullaban nas augas e atopaban tesouros que gardaban para transformar.
A aula de Debuxo presenta catro proxectos moi diversos, en diferentes técnicas e estilos cunha vinculación con outros obradoiros, neste caso cos de Serigrafía e Cerámica, para o desenvolvemento final dos proxectos.
En Deseño e encaixe de palillos, sentir, converxer ou soñar, son palabras que describen os proxectos desta especialidade, xa que neles se entrelazan ideas e procesos nos que o tecido latexa de forma coherente, desde a orixinalidade que desenvolve o deseño ata a técnica empregada.
En Talla e escultura en madeira os traballos dos dous alumnos son dispares: por unha banda, presentase "O buffet", formado por unha serie de esculturas que representan un menú gastronómico: dende os deliciosos aperitivos, os primeiros, uns suculentos segundos pratos e, rematando o conxunto, a tan saboreada sobremesa; na segunda peza, a madeira é a protagonista absoluta nun traballo clásico pero cunha acertada execución.
O obradoiro de Moda e confección presenta varios vestidos da subcultura xaponesa chamada Lolita. Este tipo de vestidos entraría dentro da categoría Hime Lolita, estilo inspirado no Rococó, con perlas, voantes e puntillas, confeccionados con teas de algodón, piqué, crep, puntillas de algodón e guipur. A enagua que leva debaixo denomínase, dentro deste estilo, petticoat, e está confeccionada con forro e tul grosos para que lle dean pomposidade ao vestido. Ao mesmo tempo as pezas levan popelín e baleas para que teña rixidez.
Na aula de Pintura a experimentación é a nota predominante en todos os proxectos. Como curiosidade salientar que boa parte do alumnado se apoia para a súa proposta na estética do collage en diversos materiais e soportes, técnica ensinada na aula no terceiro ano, que cada vez ten máis adeptos no mundo da arte. Outra parte do alumnado apostou polas técnicas tradicionais, en pezas realizadas en espátula e pinceis, algunhas de raigame romántica, exentas de figuración, e outras de grande expresividade, onde a figura humana é parte esencial, mentres a abstracción e o ready made, con materiais extrapictóricos como punto de partida, aparecen nunha soa peza presentada como unha sorte de instalación.
A aula de Serigrafía presenta unha serie de 10 serigrafías únicas e independentes sobre taboleiros de madeira de okume, no que o degradado de cores é o contrapunto estético de figuras xeométricas e zonas de cores planas, así como o nexo común do proceso de realización do proxecto. Cada unha das estampas contempla algunha técnica complementaria coma o estarcido, a máscara ou o borrado a presión, para afondar na experimentación co degradado das cores, luz e/ou intensidade.
Finalmente, en Ourivaría preséntanse dúas propostas: na primeira a xoia está construída artesanalmente con prata de lei e pedras mariñas recollidas na praia. O obxecto encontrado que xera un diálogo co espectador é un dos intereses desta peza, así como tamén a capacidade técnica para a montura e o engarzado destes elementos. No segundo proxecto, a xoia está elaborada a partir de lámina de prata de lei, cun deseño xeométrico e tratamento de calado e conformado, primando a funcionalidade, a técnica e o acabado.
Os proxectos deste 2015 están coordinador por Rosa García e Paula Mariño, con produción e deseño da Escola Municipal de Artes e Oficios de Vigo (EMAO), a montaxe de mestres/as da EMAO de Cerámica, Pintura, Moda e confección, Ourivaría, Debuxo, Talla e escultura en madeira, Serigrafía, Artesanía en coiro, Deseño e encaixe de palillos e con Alberto Couñago como axudante de montaxe.
Descargar todas as imaxes
Este proxecto individual --seleccionado previamente polo seu mestre/a, e supervisado por el/ela durante o seu desenvolvemento posterior en réxime de titoría-- pode ter un carácter investigador, creador, de afondamento nunha técnica ou nunha idea, de experimentación con novos materiais...
Na presente exposición, producida integramente pola EMAO, presentamos algúns dos proxectos dos/as alumnos/as que remataron os seus estudos no curso 2014-2015 e que, ao longo do curso seguinte, materializaron a súa proposta inicial, man a man co seu titor/a. Do proceso proxectual, recóllense aquí os resultados, os produtos creativos ou artesanais, que representan o froito parcial, unha mostra especial, da experiencia e o coñecemento vivido nas aulas e obradoiros ao longo dos seus estudos. En todos eles plásmanse materialmente os obxectivos de excelencia técnica e creatividade que figuran como base do proxecto formativo da Escola Municipal de Artes e Oficios de Vigo.
Proxectos 2015
No obradoiro de Artesanía en Coiro, a técnica do puído por capas ou laminado en coiro, é unha técnica que nos últimos tempos está a adquirir un pulo artístico moi importante, aínda que tradicionalmente se empregaba para facer os tacóns dos zapatos. Na actualidade dedícase á chamada xoiería en coiro, á escultura, ou como recheo para outras técnicas. As dúas alumnas amósannos dous puntos de vista diferentes do seu emprego: a talla, como se de madeira se tratase, e a xoiería, cuns resultados espectaculares. O corsé é unha peza de vestir cun carácter especial. Nunha das pezas contamos coa colaboración da especialidade de Moda e Confección da nosa Escola, fundindo a tradición do repuxado na EMAO coa temática do estilo Sheridan do carving americano.
A aula de Cerámica presenta tres propostas: unha de carácter conceptual en torno ás doenzas mentais a partir dunha instalación; a segunda emprega un bodegón para amósarnos a cerámica tradicional con pezas empregadas en toda Galicia, sobre todo nos lugares chamados aldeas dos oleiros; a terceira proposta recrea en pezas de porcelana a vida de tres mulleres buzo do Xapón, tres irmás que se mergullaban nas augas e atopaban tesouros que gardaban para transformar.
A aula de Debuxo presenta catro proxectos moi diversos, en diferentes técnicas e estilos cunha vinculación con outros obradoiros, neste caso cos de Serigrafía e Cerámica, para o desenvolvemento final dos proxectos.
En Deseño e encaixe de palillos, sentir, converxer ou soñar, son palabras que describen os proxectos desta especialidade, xa que neles se entrelazan ideas e procesos nos que o tecido latexa de forma coherente, desde a orixinalidade que desenvolve o deseño ata a técnica empregada.
En Talla e escultura en madeira os traballos dos dous alumnos son dispares: por unha banda, presentase "O buffet", formado por unha serie de esculturas que representan un menú gastronómico: dende os deliciosos aperitivos, os primeiros, uns suculentos segundos pratos e, rematando o conxunto, a tan saboreada sobremesa; na segunda peza, a madeira é a protagonista absoluta nun traballo clásico pero cunha acertada execución.
O obradoiro de Moda e confección presenta varios vestidos da subcultura xaponesa chamada Lolita. Este tipo de vestidos entraría dentro da categoría Hime Lolita, estilo inspirado no Rococó, con perlas, voantes e puntillas, confeccionados con teas de algodón, piqué, crep, puntillas de algodón e guipur. A enagua que leva debaixo denomínase, dentro deste estilo, petticoat, e está confeccionada con forro e tul grosos para que lle dean pomposidade ao vestido. Ao mesmo tempo as pezas levan popelín e baleas para que teña rixidez.
Na aula de Pintura a experimentación é a nota predominante en todos os proxectos. Como curiosidade salientar que boa parte do alumnado se apoia para a súa proposta na estética do collage en diversos materiais e soportes, técnica ensinada na aula no terceiro ano, que cada vez ten máis adeptos no mundo da arte. Outra parte do alumnado apostou polas técnicas tradicionais, en pezas realizadas en espátula e pinceis, algunhas de raigame romántica, exentas de figuración, e outras de grande expresividade, onde a figura humana é parte esencial, mentres a abstracción e o ready made, con materiais extrapictóricos como punto de partida, aparecen nunha soa peza presentada como unha sorte de instalación.
A aula de Serigrafía presenta unha serie de 10 serigrafías únicas e independentes sobre taboleiros de madeira de okume, no que o degradado de cores é o contrapunto estético de figuras xeométricas e zonas de cores planas, así como o nexo común do proceso de realización do proxecto. Cada unha das estampas contempla algunha técnica complementaria coma o estarcido, a máscara ou o borrado a presión, para afondar na experimentación co degradado das cores, luz e/ou intensidade.
Finalmente, en Ourivaría preséntanse dúas propostas: na primeira a xoia está construída artesanalmente con prata de lei e pedras mariñas recollidas na praia. O obxecto encontrado que xera un diálogo co espectador é un dos intereses desta peza, así como tamén a capacidade técnica para a montura e o engarzado destes elementos. No segundo proxecto, a xoia está elaborada a partir de lámina de prata de lei, cun deseño xeométrico e tratamento de calado e conformado, primando a funcionalidade, a técnica e o acabado.
Os proxectos deste 2015 están coordinador por Rosa García e Paula Mariño, con produción e deseño da Escola Municipal de Artes e Oficios de Vigo (EMAO), a montaxe de mestres/as da EMAO de Cerámica, Pintura, Moda e confección, Ourivaría, Debuxo, Talla e escultura en madeira, Serigrafía, Artesanía en coiro, Deseño e encaixe de palillos e con Alberto Couñago como axudante de montaxe.