martes, 15 dec 2020
O alcalde de Vigo, Abel Cabalero, acudiu este martes ao Colexio Vivas para visitar ao alumnado que realiza estes días un cribado voluntario de Covid-19. O rexedor destacou os protocolos que desenvolve o centro escolar “máis alá dos imprescindibles” e animounos a extremar as medidas de precaución para protexer especialmente as persoas maiores.
xoves, 10 dec 2020
Abel Caballero e o reitor da Universidade, Manuel Reigosa, asinan este xoves o Convenio de colaboración para o desenvolvemento do programa de axudas sociais ao estudantado do ano 2020 que quere "garantir a igualdade de oportunidades".
xoves, 3 dec 2020
Abel Caballero agradeceu esta mañá á Fundación Amancio Ortega a cesión da escola infantil de Bembrive, que pasará a ser o noveno centro educativo municipal. Esta doazón permitirá ao Concello ofertar 82 novas prazas para nenos e nenas de entre 0 e 3 anos para o próximo curso escolar.
venres, 27 nov 2020
O executivo presidido por Abel Caballero adxudicou a xestión de ambos centros ata 2024 por 2,4 millóns, a razón de 300.000 euros por escola e ano. O alcalde recordou que o orzamento do ano próximo reserva dous millóns para as nove municipais, que ofrecerán 700 prazas subvencionadas de media ao 82%.
mércores, 25 nov 2020
O Pleno celebrado este mércores debateu e aprobou dúas mocións promovidas polo goberno de Vigo instando á Xunta de Galicia a asinar un convenio co Concello para construír un instituto en Navia e, en segundo lugar, a incluír nas contas autonómicas para 2021 unha partida para edificar dúas escolas infantís na cidade.
venres, 20 nov 2020
Abel Caballero informou este venres de que o Concello cederá 170 vallas máis solicitadas por colexios da cidade para adaptar os seus espazos e poder cumprir as medidas sanitarias. Ademais, a Xunta de Goberno Local aprobou a prórroga do contrato para a xestión da Escola Infantil Atalaia de Teis.
xoves, 19 nov 2020
O Concello aprobou este xoves os pregos de condicións e abre o concurso público, reservando 400.000 euros para cubrir o patio do CEIP Balaídos e outros 185.000 euros para o do Pintor Laxeiro. Abel Caballero informou ademais da contratación de obras en cinco rúas do rural vigués por preto dun millón de euros.
luns, 9 nov 2020
Abel Caballero acudiu este luns ás instalacións da Aula da Universidade Nacional de Educación a Distancia (UNED) en Vigo xunto co novo director, Víctor Manuel González Sánchez. O alcalde destacou que o Concello aporta preto dun millón de euros para sufragar o funcionamento do centro no Auditorio Mar de Vigo.
mércores, 4 nov 2020
Abel Caballero detallou esta mañá as contas municipais para 2021 no apartado da política social que case alcanzan os 20 millóns de euros. Ademais de enumerar as principais partidas, como a axuda no fogar ou o programa de menores, reiterou que as axudas de emerxencia non terán límite orzamentario.
mércores, 28 out 2020
A Corporación municipal de Vigo solicitou no Pleno deste mércores que os orzamentos autonómicos de 2021 inclúan unha partida de 12 millóns para abordar a reforma integral de centros públicos da cidade. A moción foi presentada polo goberno de Vigo e obtivo o apoio de todos os grupos, salvo do PP.