venres, 23 out 2020
O Concello vén de solicitar a modificación da chamada Lei Vigo para poder aplicala en cuestións como a reforma dos accesos do colexio Párroco don Camilo. O rexedor criticou que as administracións locais non poidan solicitar a aplicación dunha normativa que lle permitiría executar con urxencia proxectos non recollidos no planeamento pero de indubidable interese público.
xoves, 22 out 2020
Abel Caballero visitou esta mañá a nova biblioteca de Navia coincidindo coa súa reapertura ao público. Os 200 postos de lectura dos que consta vense reducidos a 54 por protocolo sanitario e será accesible de luns a sábados.
martes, 20 out 2020
A Federación Olívica de Pais e Nais de Alumnos retomou este luns 19 de outubro o comedor en cinco centros educativos coa previsión de que o vindeiro 2 de novembro estea en funcionamento en tódolos colexios asociados. Caballero agradece o “traballo e esforzo” que realizan as nais e pais e a comunidade educativa nestes momentos.
venres, 16 out 2020
O alcalde explicou que, a partir do luns, o goberno municipal irá entregando as vallas solicitadas polos centros educativos para establecer espazos divididos para o alumnado e ofrécelles cooperación para tomar medidas que eviten contaxios.
mércores, 14 out 2020
Debido á crise sanitaria provocada pola pandemia do Covid-19, o Concello de Vigo prorroga o contrato para xestionar o programa “Vigo en Inglés” e o alcalde avanza que se traballa coa previsión de poder desenvolver a iniciativa de inmersión lingüística como opción preferente entre a 2ª quincena de xuño e a 1ª de xullo de 2021.
venres, 9 out 2020
Abel Caballero achegouse este venres ao acto de inicio do curso académico 2020-2021 de Radio Ecca en Galicia, celebrado na sede da Deputación en Vigo, onde felicitou á entidade polo traballo desenvolvido e pola metodoloxía empregada na formación a distancia. Destacou o alcalde o seu labor como “pioneira no uso da radio e das novas tecnoloxías para a formación”, un ámbito “tan importante nestes tempos” nos que a formación e o coñecemento son relevantes.
venres, 9 out 2020
A Xunta de Goberno Local vén de aprobar a adxudicación da contratación dos servizos de xestión parcial, docencia e desenvolvemento da Escola Municipal de Música de Vigo, da E-Trad e da Escola Municipal de Danza.
martes, 6 out 2020
O alcalde esixe ao goberno autonómico que faga o instituto "de forma urxente" amosando a disposición do Concello a poñer o solo para desenvolvelo e lémbralle que debe deseñar a entrada e saída de Navia, unha zona incomunicada co resto de Vigo.
venres, 2 out 2020
O goberno de Vigo acordou este venres interpoñer un recurso contencioso-administrativo contra a resolución de 29 de xullo de 2020 do xerente do Consorcio Galego de Servizos de Igualdade e Benestar pola que se obriga ao Concello a abonarlle máis de 100.000 euros polas escolas infantís que xestiona o ente autonómico en Valadares e rúa Palencia.
martes, 29 set 2020
O alcalde avanzou esta mañá que o Concello está a punto de outorgar as bolsas de comedor e libros para este curso escolar, unha vez tramitadas as 5.562 solicitudes recibidas. Como vén sendo habitual, non quedará ningún estudante que cumpra os criterios sen achega, dado que non hai límite orzamentario nesta partida.