Este luns tivo lugar o acto formal de entrega da instalación, construída pola Fundación Amancio Ortega con 3,5 millóns de investimento. Abel Caballero avanzou que os usuarios de Santa Marta -que non abrirá o próximo curso pola obra do Barrio do Cura- terán “preferencia” na admisión.
A moción socialista, aprobada coa abstención do Grupo mixto e o voto en contra de PP e do concelleiro non adscrito, insta ao goberno autonómico a atender as necesidades da cidade autorizando o traslado para habilitar unha escola infantil permanente para alumnado de 0 a 3 anos nese centro educativo, dada a necesidade xurdida co desenvolvemento das obras do Barrio do Cura.
O alcalde expuxo este martes en rolda de prensa que o goberno autonómico segue sen responder á proposta municipal de abrir unha nova escola infantil permanente no Ceip Ramón y Cajal que é "compatible" co uso actual do espazo do centro.
Abel Caballero considera a opción “boa para todos” (para as familias da escola do Casco Vello, para o seu profesorado, para o barrio e para o propio colexio) e reitera que “non hai escusa posible” para que a Xunta non retorne ao Concello a parte do edificio municipal que o Ramón y Cajal non utiliza.
Abel Caballero reclama á Xunta de Galicia a devolución da parte baleira do inmoble cedido polo Concello para o CEIP Ramón y Cajal, onde o goberno vigués prevé habilitar un novo centro de cero a tres anos, permanente e que ademais acollería provisionalmente aos usuarios da escola de Santa Marta mentres duren as obras do Barrio do Cura. Sería a décima gardería municipal da cidade.
A moción do grupo municipal socialista recibiu o apoio do resto de grupos, agás o PP que se abstivo, na reclamación ao goberno autonómico da elaboración dun plan a 4 anos, dotado nos seus orzamentos con 40 millóns de euros, para abordar a renovación integral dos colexios vigueses.
O Concello de Vigo arranxou o problema da calefacción do Colexio Otero Pedrayo tras substituír unha peza da vella caldeira. Abel Caballero informou este martes de que o grupo municipal socialista pedirá no Pleno da Corporación que a Xunta de Galicia invista 40 millóns en 4 anos para solucionar os problemas existentes nos centros escolares da cidade.
Abel Caballero informou este xoves de que a Xunta de Goberno Local vén de aprobar o proxecto de instalación dun elevador ata a unión de Urzáiz con Vía Norte, cun orzamento de 424.000 euros e cinco meses de obras.
O alcalde deu conta este martes do inicio do expediente administrativo para adxudicar o servizo no novo centro municipal para nenos e nenas de cero a tres anos. Con 82 prazas, a escola de Bembrive abrirá no próximo curso cun apoio do Concello duns 250.000 euros.
A Escola Universitaria de Estudos Empresariais de Vigo celebrou este venres o acto inaugural de celebración do seu centenario no que participou Abel Caballero, xunto ao reitor da Universidade, Manuel Reigosa, e á directora do centro, Consuelo Currás, e no que descubriron unha placa conmemorativa do aniversario.