Por primeira vez poderá facerse dende internet

Aberto o prazo de inscrición na Escola Municipal de Artes e Oficios para o curso 2009-2010

xoves, 3 set 2009

Un ano máis a Escola Municipal de Artes e Oficios realiza a súa oferta formativa á cidade. Ata o día 15 de setembro permanecerá aberto o prazo de preinscrición para o curso de iniciación nas especialidades de Cerámica, Encadernación, Construcción tradicional de Gaita e Zanfona, Luthería antiga, Debuxo, Pintura, Escultura e Talla en Madeira, Ourivería, Moda e Confección, Encaixe de Palillos, Ourivería e Repuxado en Coiro.

Oferta un itinerario formativo para afeccionados, de dous anos de duración e outro para profesionais, de catro

O 11 de setembro remata o prazo de inscrición na Escola Municipal de música folk e tradicional –eTrad-<br />

xoves, 3 set 2009

Máis de 200 persoas solicitaron xa a súa preinscrición a través das páxinas da Escola Municipal de Música Folk e Tradicional de Vigo (www.e-trad.org) o que a sitúa como o centro máis prestixioso no seu xénero da Península. O prazo de presentación de solicitudes remata o dia 11 de setembro e pode facerse tanto coa modalidade on-line como presencialmente nas oficinas da e-Trad, situadas na rúa García Barbón, 5.

500 músicos participan o domingo en Vigo nun encontro con motivo do Día Internacional da Música

venres, 19 xuñ 2009

A AGEMM (Asociación Galega de Escolas Municipais de Música) e a Concellería de Educación do Concello de Vigo e a Escola Municipal de Música de Vigo organizarán o II encontro galego de escolas municipais de música en Vigo o 21 de xuño de 2009 (día Internacional da música. O encontro, no que participarán 5000 músicos, consistirá na mostra musical e a convivencia do alumnado escolas municipais de música de Galicia.

Educación inicia despois do remate do curso a renovación das instalacións eléctricas dos colexios públicos

mércores, 10 xuñ 2009

A Concellería de Educación que dirixe Laura López Atrio comezará ao remate do curso escolar -o vindeiro 19 de xuño- as obras de adaptación, renovación e conservación das instalacións eléctricas dos colexios públicos. A Xunta de Goberno aprobou o pasado luns os plans de seguridade e saúde dos traballos e o nomeamento dunha direción facultativa das obras, paso previo ao inicio das mesmas.

O Concello e a ESAD organizan un campus de verán para convertir a Vigo en "capital atlántica das artes escénicas"<br />

martes, 9 xuñ 2009

O alcalde, Abel Caballero, e o diretor da Escola Superior de Arte Dramática, Manuel Vieites, presentaron este martes o campus internacional de veran "Escénika", que celebrarase en Vigo do 29 de xuño ao 15 de xullo, dirixido a alumnos, profesionais e aficionados do teatro. A programación presenta nomes destacados do teatro portugués e español, entre eles, La Fura dels Baus.

Concerto de música barroca na Escola Municipal de Arte e Oficios

mércores, 20 mai 2009

Alumnos e mestres do Departamento de Música Antiga do Conservatorio Profesional "Manuel Quiroga" de Pontevedra ofrecen un concerto de música barroca o xoves 21 de maio ás 19.30h no Salón Auditorio da Escola Municipal de Artes e Oficios.Clavecín, viola de gamba, guitarra barroca, con obras de Vivaldi e Marais. A entrada é libre.

O ciclo de eventos terá lugar o 8, 15 e 22 de maio nas instalacións da escola, en García Barbón, 5 e serán de entrada gratuíta

A e-Trad (Escola Municipal de Música Tradicional e Folk) inaugura o I Ciclo"As Músicas Inmigradas<br />

xoves, 7 mai 2009

No mes de Maio celebrarase a posta en marcha do primeiro ciclo "Músicas Inmigradas", que consisten en tres sesións de convivencia, aprendizaxe e posta en común de experiencias sobre música de tradición oral das comunidades culturais de outras nacionalidades presentes na sociedade viguesa. Música, danza e gastronomía serán os eixos principais destas sesións nas que participaran invitados da procedentes da India, Brasil e Polonia.

O PILI 2009 permitirá a estadía de 125 alumnos/as durante tres semanas no Reino Unido ou Irlanda, e os interesados/as poderán presentar a súa solicitude no Rexistro Xeral do Concello dende o 21 de Abril ata o 12 de Maio

Educación abre o prazo de convocatoria para a participación no programa de inmersión en lingua inglesa (P.I.L.I. 2009)<br />

xoves, 16 abr 2009

Esta iniciativa didáctica ten como obxectivo primordial ofrecer aos alumnos/as de 3º de ESO dos institutos públicos da nosa cidade a oportunidade de mergullarse na lingua e cultura británicas e aprender nas escolas locais en réxime de integración co alumnado nativo.<br />