martes, 26 abr 2011
Abel Caballero anunciou hoxe martes a adxudicación das 290 bolsas municipais para outros tantos estudantes vigueses que aprenderán inglés no estranxeiro este verán. O total de bolsas deste ano subvencionadas polo Concello será de 350. Esta oferta cubre toda a demanda dos colexios públicos e unha parte dos concertados, unha medida para a que o Concello de Vigo destina este ano 700.000 euros.
luns, 18 abr 2011
Abel Caballero reuníu este luns á Asociación de Veciños do Freixeiro para ensinarlles o proxecto elaborado por Urbanismo para edificar un novo centro no lugar que hoxe ocupa o colexio Altamar, evitando así "destruir" a zona verde anexa ao Museo Liste, a outra alternativa proposta. O alcalde indicou que a Xunta de Galicia ten os terreos e o proxecto á súa disposición para telo construído, con "vontade", en outubro ou novembro.
Ata o 10 de xuño a mostra recolle os orixinais dunha vintena de álbums editados por Kalandraka
venres, 15 abr 2011
A sala de exposicións da Escola Municipal de Artes e Oficios de Vigo abre unha nova mostra da man dos mellores ilustradores que teñen publicado na prestixiosa editorial Kalandraka e que se pode visitar do 15 de abril ata o 10 de xuño.As obras abarcan unha ampla variedade de estilos e disciplinas artísticas: desde obra pictórica, ata cerámica, pasando por banda deseñada, collage ou figuras tridimensionais.
venres, 15 abr 2011
Abel Caballero revelou este venres o proxecto de ampliación con dúas novas liñas do colexio público de Navia, elaborado polos técnicos do Concello e cun custo estimado en 10 millóns de euros. O alcalde xa adiantou que porá os terreos a disposición da Xunta de Galicia para que execute a ampliación. Caballero tamén adiantou que proxecta a construción dunha escola infantil na parcela, edificada polo propio Concello de Vigo, e incluirá as partidas precisas nos próximos orzamentos.
martes, 12 abr 2011
O alcalde de Vigo, Abel Caballero, informou este martes da aprobación en Xunta de Goberno Local dun orzamento de case 250.000 euros para os colexios de infantil e primaria, que xestionarán directamente os directores dos centros para efectuar melloras nos mesmos. Ademais, o goberno local deu luz verde á incorporación de seis vehículos ao parque da Policía Local de Vigo.
martes, 12 abr 2011
O alcalde de Vigo, Abel Caballero, fixo pública este martes a resolución do consello de goberno da Universidade Nacional de Educación a Distancia pola que aproba e certifica a creación en Vigo do Centro de Internacionalización de Ensinanzas, que ocupará 3.000 metros cadrados do Auditorio Pazo de Congresos "Mar de Vigo", segundo revelou o alcalde vigués. O de Vigo será un centro pioneiro e en exclusiva en España.
xoves, 31 mar 2011
Do 4 ao 8 de abril o Auditorio da Escola Superior de Arte Dramática de Galicia albergará, baixo a dirección técnica da Escola Municipal de Teatro, as II XORNADAS DE TEATRO ESCOLAR, nas que participarán preto de 300 noveis actores e actrices pertencentes a 12 centros de educación primaria e aos grupos da Escola Municipal de Teatro de Vigo. Cada un dos centros de ensino participantes ofrecerá unha representación teatral.
xoves, 24 mar 2011
Máis de 200 representantes políticos e técnicos de concellos de Galicia abordarán nunha xornada que se celbra o xoves 24, en catro comisións de traballo un debate que hai uns meses foi iniciado por un grupo de traballo integrado polas sete cidades con maior poboación de Galicia e que a partir desta xornada se pretende estender nos próximos meses ao conxunto dos 315 concellos galegos.
martes, 22 mar 2011
O Servizo de Educación do Concello de Vigo pon en marcha dende o día 24 de marzo ata o 29 de abril a campaña Contarte 2011 coa que se pretende achegar aos nenos e nenas ao mundo da arte dun xeito lúdico e diferente a través do álbum ilustrado e incidir así no fomento do hábito lector entre os máis cativos.A conferencia inaugural "Qontextos: a realidade do álbum ilustrado" da man do ilustrador Chené Gómez e de Eva Mejuto de OQO Editora, será o mércores 23 de marzo ás 19:30 horas no IME.
mércores, 16 mar 2011
O alcalde, Abel Caballero, e a concelleira de Educación, Laura López Atrio, convocaron este mércores aos directores dos centros educativos de secundaria de Vigo para informarlles da nova convocatoria municipal aberta do Programa de Inmersión Lingüísitica en Inglés para 2011, que levará a 290 escolares de 3º de Secundaria a estudar en inglés ao Reino Unido.
