O alcalde felicita ao colexio público Frián Teis tras recibir o Premio Nacional de Ensino 2013

Abel Caballero cualificou de "extraordinario" o proxecto desenvolvido no colexio Frián Teis "que pon en relieve a capacidade e a calidade do ensino en Vigo. A inciativa A lingua sabe a pan, permitiu a este centro educativo recibir un Premio Nacional de Ensino. O rexedor destacou a importancia deste recoñecemento porque a el aspiraban centros de toda España. Acompañado polo concelleiro de Educación, Santos Héctor, visitou as instalacións do centro, onde lle explicaron que un dos aspectos que máis se valorou do proxecto foi a capacidade de involucrar a todos os profesores, estudantes e pais e nais de alumnos, tal e como explicou en rolda de prensa.