venres, 17 set 2010
Á falta da comunicación oficial do Padroado da Universidade, Abel Caballero garantiu que o aula universitaria da UNED estará no Casco Vello este curso e impartirá tanto formación de acceso para maiores de 25 e 45 anos como algúns títulos universitarios por definir, atendendo ao número de vigueses que os cursen. O alcalde estima en 300.000 euros o investimento municipal na dotación e defendeu a solicitude de Vigo por adaptarse "ao dereito e á razón", pois sobre 3.500 vigueses estudan na UNED en Pontevedra.
martes, 14 set 2010
As 06:30 desta mañá partiu desde a Praza do Rei o núltimo grupo de 50 estudantes cara Inglaterra, onde permanecerán durante tres semanas. O alcalde, Abel Caballero, xa anunciou que o curso que ven as bolsas municipais superarán as 350 para que "todos os nenos teñan a oportunidade de estudar inglés en Inglaterra"
luns, 13 set 2010
As 06:30 desta mañá partiu desde a Praza do Rei o penúltimo grupo de 50 estudantes cara Inglaterra, onde permanecerán durante tres semanas. O alcalde, Abel Caballero, xa anunciou que o curso que ven as bolsas municipais superarán as 350 para que "todos os nenos teñan a oportunidade de estudar inglés en Inglaterra"
luns, 13 set 2010
Abel Caballero informou este luns da solicitude cursada polo Concello ao padroado da UNED, e validada hoxe polo goberno local, para a creación dun aula de ensinanza superior da UNED en Vigo. O alcalde confía en que a xunta reitora da Universidade a Distancia valide a solicitude viguesa esta semana e o espazo poida funcionar este mesmo curso. O custo dun aula da UNED en Vigo ascende a uns 150.000 euros, sufragados unicamente polo Concello.
venres, 10 set 2010
Abel Caballero acudiu este venres ao CEIP Canicouva, en Castrelos, onde o Concello de Vigo vai executar distintas melloras no centro e ampliará nun 50% a superficie do actual comedor escolar. O alcalde eloxiou a ensinanza pública e aos profesionais da mesma e reiterou o seu compromiso de conceder todas as axudas de comedor que sexan precisas, sen límite orzamentario.
venres, 10 set 2010
O alcalde informou hoxe venres da saída do segundo grupo do total de 250 alumnos de centros escolares vigueses cara ao Reino Unido, onde estudarán inglés cunha beca do Concello durante tres semanas. Caballero explicou que o próximo curso a cifra superará os 350 -a Escola de Idiomas leva 100 bolsas do Concello- porque "queremos que as nenas e nenos de Vigo estuden inglés en Inglaterra".
xoves, 9 set 2010
Abel Caballero asistiu á despedida dos rapaces que partiron en bus as 06:30 desta mañá desde a Praza do Rei ata Porto, para viaxar desde alí ao Reino Unido. De acordo co programa de inmersión lingüística, PILIVIGO 2010, da Concellería de Educación, os alumnos estarán durante 3 semanas en dez localidades inglesas. Nos próximos días marcharán os 200 que faltan en grupos de 50 e acompañados en todo momento polos seus monitores.
martes, 7 set 2010
Nunha visita á escola infantil de Atalaia, en Teis, o alcalde anunciou que en xaneiro rematarán os traballos nas tres novas garderías municipais en marcha, por valor de case un millón de euros, e que ampliarán en 260 prazas a oferta do Concello na cidade. "En xaneiro duplicaremos as prazas de garderías", indicou Caballero, quen avanzou que o incremento terá continuidade cun novo plan para 2011.
luns, 6 set 2010
O programa de inmersión lingüística, PILIVIGO 2010, da concellería que dirixe a socialista Laura López Atrio permitirá a súa estadía durante 3 semanas en dez localidades inglesas. O goberno municipal iniciou o programa en 2008 con 100 becas ata chegar as 250 actuais coa intención de mellorar o nivel de inglés dos estudantes vigueses
mércores, 1 set 2010
Abel Caballero visitou hoxe mércores os traballos de ampliación do comedor escolar do Escultor Acuña, prácticamente rematados, e un dos 13 colexios que será reformado cos preto de 500.000 euros que destina o Concello para "melloras nos centros de ensinanza pública". O alcalde defendeu estas accións para poder así dar cobertura física a toda a demanda de bolsas de comedor que concede o goberno local, "máis de mil", cifrou Caballero.
