O acto, que desde a súa primeira edición en 1991 celebrouse sempre en Santiago, contou coa presenza do alcalde de Vigo, Abel Caballero, o Presidente da Xunta de Galicia, Emilio Pérez Touriño, e a conselleira de Educación, Laura Sánchez Piñón. 37 mulleres e 20 homes foron galardoados este venres por obter os mellores expedientes académicos do 2007 nas tres Universidades de Galicia.
O Forum Orienta 2008, que se celebrará no Instituto Ferial de Vigo (IFEVI) do 8 ao 13 de abril, reserva un espazo destacado para as ensinanzas universitarias que ofertan as tres institucións galegas. Neste senso, este evento contará con diferentes stands especializados co obxectivo de ofrecer a información máis detallada sobre as posibilidades destes estudos así como das principais novidades que veñen da man da adaptación ao Espazo Europeo de Educación Superior.
O Auditorio Municipal acollerá os días 2,3 e 4 de abril, o espectáculo didáctico-musical "Nuestras Músicas", especialmente creado para escolares do 3º Ciclo de Educación Primaria, ESO e Bacharelato polo Grupo de Zaragoza "New Titanic Arkestra". O espectáculo forma parte da colaboración do Servizo de Educación do Concello de Vigo e a Obra Social e Cultural de Ibercaja.
A Xunta de Goberno ven de aprobar o gasto que da lugar ao convenio de colaboración entre o Concello de Vigo e a Federación Olívica de Asociacións de Nais e Pais de Alumnos, que supón un custe de 215.569,44 euros. Esta subvención está destinada, entre outros aspectos, á realización de actividades extraescolares e comedores das ANPA de ensino infantil e primario público.
A concelleira de Educación, Laura López Atrio, ven de presentar as unidades didácticas editadas polo seu departamento municipal " Construíndo unha cidade" e "Xacementos arqueolóxicos" co fin de reforzar o coñecemento de Vigo coa axuda de materias informativos e gráficos.
A Escola Municipal de Teatro programa para o mércores día 26 os actos conmemorativos do Día Mundial do Teatro co lectura dun manifesto do director canadense Robert Lepage e varias representacións dos alumnos da escola. Os actos terán lugar ás 19 horas no auditorio Monte da Mina de Castrelos.
A iniciativa da Concellería que dirixe Laura López Atrio procura acadar unha "educación transversal", coa colaboración dos restantes departamentos municipais. O obxectivo pasa por crear "espazos educativos en cada distrito".
Esta maña a Conselleira de Educación, Laura Sánchez Piñón e o alcalde de Vigo, Abel Caballero, inauguraron a obra de reforma e ampliación da Escola de Educación Infantil Cristo da Victoria.
A mostra itinerante "Arte na Aula", organizada pola Concellaría de Educación do Concello de Vigo en colaboración co recoñecido artista vigués Mingos Teixeira, deu comezo este venres no Colexio Emilia Pardo Bazán. O alcalde, Abel Caballero, e a concelleira de Educación, Laura López Atrio, inauguraron oficialmente o programa, que levará a obra de 26 artistas vigueses ás aulas de 12 colexios da cidade.
O Concello vén de editar un total de 6.000 exemplares dunha guía que recolle información sobre os centros públicos de Educación Infantil e Primaria de Vigo. O obxectivo desta medida é informar as familias que teñen nenos para axudarlles a valorar cal é o mellor centro para os cativos.