xoves, 2 nov 2017
O alcalde, Abel Caballero, tomou parte este xoves na presentación pública, xunto á directora de Telefónica en Galicia, Marta Menéndez, e o director de Relacións Institucionais e Coordinación Territorial da Fundación Telefónica, Joan Cruz. O curso formará durante cinco meses a alumnado de entre 18 e 35 anos nunha das linguaxes de programación con máis demanda no sector tecnolóxico.
xoves, 26 out 2017
O alcalde participou esta mañá na apertura do II Salón Empresarias de Galicia onde insistiu na necesidade de levar a bandeira de igualdade en todos discursos públicos e en todos os ámbitos. No Auditorio Mar de Vigo, eloxiou ás asistentes, mulleres con "gran capacidade que conseguiron romper paredes que parecían inamovibles". <br />
xoves, 19 out 2017
No marco da inauguración do III Congreso Internacional de Enxeñería Civil e Territorio Galicia-Norte de Portugal, que reúne na cidade a máis de 300 especialistas en xestión e conservación de obra pública, Abel Caballero salientou o papel dos enxeñeiros na vertebración dos novos modelos de cidade pensadas para a infancia, os maiores e as persoas con discapacidade. Amais, puxo en valor a revolución imparable de Vigo coas humanizacións, ramplas e ascensores que melloran a calidade de vida da cidadanía. <br />
mércores, 4 out 2017
Abel Caballero explicou este mércores que está "practicamente redactado" un proxecto que incluirá a renovación do pavimento, a reforma e adaptación dos baños, o pintado e unha mellor distribución dos espazos. "Chegou a hora da reforma do Mercado de Teis", indicou antes de participar na entrega de premios da 4ª Ruta de Pinchos no barrio.
mércores, 4 out 2017
O alcalde mantivo esta mañá un encontro co Consello Galego de Enxeñeiros Técnicos Industriais para estreitar lazos de cooperación. Entre outros asuntos abordouse a petición do colectivo de que sexan profesionais con formación técnico industrial os que validen as comunicacións previas para a entrega de posteriores licenzas.
mércores, 4 out 2017
Abel Caballero participou este mércores na presentación da Lanzadeira de Emprego, que arrancará en novembro e servirá para axudar a 20 desempregados, na súa maioría menores de 35 anos, a optimizar a súa procura de traballo con novas técnicas e ferramentas acordes ás necesidades do mercado laboral actual.<br />
luns, 2 out 2017
O alcalde participou hoxe luns na apertura do Congreso Internacional organizado pola FAO e Conxemar e que nesta sexta edición abordará o cambio climático e os seus efectos na pesca mariña, na acuicultura e no comercio. Diante de autoridades de 20 países do mundo, ademais de empresarios e investigadores, Caballero explicou que este tipo de foros son os que deben axudar a buscar fórmulas para combater "o que xa nos está a pedir o planeta"<br />
xoves, 31 ago 2017
O alcalde e Alberto Gonçalvez, secretario comarcal da CIG, asinaron este xoves un convenio de colaboración por un importe de 15.000 euros para apoiar o labor que realiza o sindicato que é "importantísimo" para defender aos traballadores. Caballero manifestou que desde que asumiu a alcaldía mantén unha liña de apoio aos tres sindicatos da cidade: UXT, CCOO e CIG porque son "imprescindibles á marxe das concomitancias políticas que teñamos". <br />
xoves, 27 xul 2017
Abel Caballero e a secretaria comarcal de CCOO, Amelia Pérez, asinaron hoxe xoves un acordo de colaboración por importe de 15.000 euros. O obxectivo deste acordo -que tamén se asina con UXT e CIG- é cooperar caos actividades da entidade dada a importante labor que realizan en favor dos e das traballadoras. <br />
xoves, 27 xul 2017
A través da subvención do Fondo Social Europeo co que se formarán preto de 200 mozos vigueses de entre 16 e 30 anos en diferentes modalidades. Amais, o alcalde anuncia a próxima cubrición do patio do CEIP Virxe do Rocío, cun orzamento municipal de 275.000 euros e a sinatura de convenios por valor de 73.000 euros.