Abel Caballero asistiu este luns no Consorcio da Zona Franca en Bouzas ao acto de presentación do novo camión polivalente desenvolvido en Vigo e que pode eliminar un de cada cinco vehículos pesados das estradas europeas.
O alcalde de Vigo transmitiu esta mañá a súa solidariedade aos traballadores e traballadoras de call centers de Vodafone que están afectados polo terceiro ERE que aplica a compañía. Ante os medios de comunicación, reiterou a súa vontade de estar sempre cos traballadores e na defensa do emprego.
O alcalde de Vigo, Abel Caballero, guiou este luns á ministra de Industria, Comercio e Turismo, Reyes Maroto, no seu percorrido pola cidade. A titular da carteira ministerial coñeceu os encargos que realiza o Estalaeiro Armón para Nueva Pescanova e tamén visitou o Casco Vello da cidade. Máis tarde, o rexedor foi o encargado de presentar a conferencia que a titular de Industria ofreceu no Círculo de Empresarios de Galicia.
O alcalde avogou esta mañá porque as mulleres segan gañando visibilidade no sector da pesca, seguindo cunha "revolución" da igualdade que xa é imparable. Así o dixo na Cooperativa de Armadores durante a presentación de Redmar II, un programa que ten, entre outros obxectivos, mellorar a empregabilidade das mulleres tituladas en formación marítimo-pesqueira.
Abel Caballero visitou esta mañá o Centro de Iniciativas de Emprego onde 15 estudantes se están especializando na confección e publicación de páxinas web. Eloxiou a calidade formativa dun curso que capacitará ao alumnado para introducirse nun mercado laboral cada vez máis tecnolóxico.
O alcalde asistiu este martes á inauguración do espazo Ikea Deseña no Centro Comercial Gran Vía de Vigo onde lles deu a benvida á cidade e lles desexou éxito para seguir co seu asentamento na cidade.
O alcalde de Vigo fixo balance este venres da campaña de Nadal que finalizou o pasado 13 de xaneiro tras prolongarse durante 51 días. Abel Caballero sinalou que "foi a vez que houbo máis xente na historia da cidade" tras indicar que os cálculos apuntan a máis de 2 millóns de persoas e un retorno económico superior aos 25 millóns de euros.
O programa municipal Coidadores de barrio permitiu prestar máis de 31.000 servizos durante o ano 2018. Tal e como explicou o alcalde, hai 350 usuarios asiduos aínda que se atenden a miles de persoas, das que a maior parte superan os 60 anos.
O alcalde reuniuse este mércores con elas para "darlles unha aperta no nome da cidade". O programa municipal ofrece formación e un contrato laboral dun ano a trece mulleres. Á loita contra a violencia machista, o Concello de Vigo adica preto dun millón de euros cada ano, recordou Abel Caballero.
O goberno local comezará esta semana o proceso administrativo de venda á Zona Franca do Edificio do Reitorado procedendo a desafectación da parcela. Deste xeito, o Consorcio será máis accesible e o actual edificio da Zona Franca poderá ser utilizado para actividade e empresarial o que redundará en "gran rendibilidade económica" para Vigo.