A Concelleira de Deportes, Lucía Molares, presentaba esta mañá en rolda de prensa a regata de traíñas que terá lugar o 18 de xullo ás once da mañá no porto deportivo da cidade, e na que participarán quince equipos.
Preto de 1.200 deportistas participarán no torneo que terá lugar do 14 ó 18 de xullo na praia de O Vao. A Concelleira de Deportes, Lucía Molares, foi a encargada de presentar o torneo esta mañá, xunto co representante da entidade promotora "eventoglobal", Juan Carlos Andrés.
Mónica Vázquez, María Alonso e Fernando Martínez, da Asociación San Francisco, foron recibidos hoxe pola alcaldesa Corina Porro.
O torneo internacional de fútbol que se celebrará do catro ó once de xullo, inaugúrase oficialmente hoxe ás oito da tarde no Centro Social Caixanova.
Fútbol, balonmán, voleibol, rugby, tenis e futvoley son as modalidades deportivas que se poderán practicar na praia de O Vao os meses de xullo e agosto organizadas pola concellería de Deportes.
Os vindeiros días 26 e 27 de xuño, o Club Montañeiros Celtas vai celebrar a<br /> segunda edición da Travesía pola Ría de Vigo e o seu entorno, combinando diversas actividades deportivas en contacto coa natureza.
A concelleira de Deportes, Lucía Molares, presentou o primeiro encontro nacional de Cachibol, deporte oriundo de México, que se disputará o sábado, día 26 , no campo de San Xoán Poulo, de 16:00 a 22.00 horas.
Do 25 ó 27 de xuño o campo de fútbol da praia do Vao acolle o torneo internacional de Horseball "Cidade de Vigo" que organiza o club hípico La Muralla e a concellería de Deportes.
200 nenos e nenas poderán participar na V edición do Campus Polideportivo Vigo 2004 que se desenvolverá entre os días 28 de xuño ao 2 de xullo. O campus está organizado pola Fundación Vigo en Deporte en colaboración co Instituto Municipal dos Deportes e dos equipos de elite da cidade. A inscrición estará aberta dende o 17 ao 23 de xuño.
Tralas conversas mantidas entre o Concello de Vigo e a Deputación de Pontevedra coa Federación Española de Fútbol dirixidas a amosar o espírito de unidade en torno á Selección Nacional de Fútbol e a facilitar aos vigueses e aos cidadáns de Pontevedra que o desexen o desprazamento aos partidos da Eurocopa, a Federación Española de Fútbol porá á venda mañá 1.000 entradas para o partido entre España e Grecia, que se disputará en Oporto o mércores 16 de xuño ás 18:00 hora española.