xoves, 26 mai 2005
O filme "Pataghorobí", baseado nun relato de Xosé Cid Cabido, é a primeira das catro películas para televisión baseadas en relatos literarios contemporáneos que se rodarán en Galicia. Esta película, ambientada no Vigo de finais dos oitenta gravarase integramente na cidade en 36 localizacións diferentes.
mércores, 25 mai 2005
Despois da inauguración a cargo de Leonel Morales, o Festival Internacional de Piano Vigo 2005 continua o seu programa coa actuación de Antonio Di Cristofano, mañá xoves 26 de maio a partir das 20:00 no Auditorio do Concello. Esta actuación servirá tamén de apertura ao Concurso Nacional de Piano de Vigo.
martes, 24 mai 2005
A vindeira sesión do ciclo "Polos mares de Galicia", que terán lugar no salón de actos da Casa Galega de Cultura o mércores , día 25 de maio ás 20.00 horas, estará dedicada aos protagonistas das xestas náuticas.
venres, 20 mai 2005
As dúas vindeiras sesións do ciclo "Polos mares de Galicia", que terán lugar no salón de actos da Casa Galega de Cultura o luns e o mércores da vindeira semana, días 23 e 25 de maio ás 20.00 horas, estarán dedicadas á importancia do ecosistema mariño galego e aos protagonistas das xestas náuticas.
xoves, 19 mai 2005
O vindeiro luns, 23 de maio, comezará a venda das entradas individuais para asistir aos concertos do I Festival Internacional de Jazz de Vigo "Imaxina Sons", que desenvolverase entre o 16 de xuño e o 3 de xullo.Ademáis, a última data para adquirir os abonos, dos que xa foron vendidos máis dun centenar, é o sábado 21 deste mes de maio. Os prezos ascenden a 43 euros a butaca; 40 euros o 1º anfiteatro; 37 euros o 2º anfiteatro e 33 euros o 3º anfiteatro.
mércores, 18 mai 2005
A conferencia inaugural do ciclo "Polos mares de Galicia", que o xoves 19 de maio será impartida polo profesor da Universidade de Vigo Emilio Fernández, versará sobre o mar como orixe da vida, fonte de recursos, e sobre todo, como un ecosistema enormemente rico en biodiversidade.
mércores, 18 mai 2005
Con motivo do Día Internacional dos Museos, o Arquivo Pacheco celebrará unha xornada de portas abertas na que se poderán visitar lugares aos que habitualmente non se pode acceder. Outros museos, como a Fundación Laxeiro e o Museo Quiñones de León terán tamén actividades especiais nesta xornada.
luns, 16 mai 2005
A programación coa que se celebra o Día Internacional do Museo inclúe xornadas de portas abertas en varios centros, así como obradoiros, charlas-coloquios e outras actividades.
venres, 13 mai 2005
O concelleiro de Cultura, Ignacio López Chaves, presentou a programación e o material de difusión dos museos públicos de Vigo con motivo do Día Internacional dos Museos, que se celebra arredor do 18 de maio baixo o lema "O museo, unha ponte entre culturas".
xoves, 12 mai 2005
O primeiro Festival Internacional de Vigo "Imaxina Sons", que se desenvolverá do 16 de xuño ao 2 de xullo, nace coa vocación de consolidarse ata converterse nun referente a nivel europeo. O evento, que traerá á nosa cidade a algunhas das figuras máis destacadas do jazz do vello continente, conta cun orzamento de 300.000 euros.