A exposición "O Quixote: da letra á imaxe", pódese visitar desde hoxe, 28 de xuño, ata o próximo 29 de agosto. Nela abórdase a evolución visual e gráfica da obra cervantina.
O Verbum-Casa das Palabras inicia as actividades denominadas "Obradoiro de Xogos" dirixidas ás familias e particularmente aos máis cativos. Estas actividades de dinamización forman parte dos acordos do convenio asinado recentemente entre a concellería de Cultura e a Universidade de Vigo.
Os amantes do jazz teñen tres citas no Auditorio Municipal durante esta fin de semana: Nils Wogran "Root 70", o venres, Gianluigi Trovesi Octet, o sábado, e Carlos Barreto Trío e François Corneloup "Locomotiv", o domingo. Ademais, o luns terá lugar unha conferencia sobre novas tendencias no jazz, despois da cal Vicent Courtois improvisará co seu violoncelo.
O concelleiro de Cultura, Ignacio López Chaves e a directora da Fundación Caixa Galicia , Teresa Porto, presentaron o libro editado polo Concello "La arquitectura racionalista en Vigo".
Os Premios Veo Veo Galicia 2005, unha iniciativa da Fundación Teresa Rabal, celebraranse no Teatro Fraga Caixa Galicia os días 24, 25 e 26 de xuño. Neles participarán nenos con aptitudes artísticas que optarán a bolsas de estudo para mellorar a súa formación.
Esta asociación recén constituída e presentada terá como obxectivos o desenvolvemento de actividades musicais, facer de mediadora entre o colectivo e as administración públicas e seguir as resolucións tomadas no II Encontro de creadores de Barcelona en relación ao jazz.
O concerto de presentación terá lugar mañá martes ás 19,30 horas no Auditorio do Concello e coincidirá coa celebración do Día Mundial da Música. Despois de oito anos de percorrido, a Escola Municipal de Música, que naceu en 1997, presenta oficialmente a súa orquestra o mesmo ano en que sae a súa primeira promoción de músicos.
As sesións terán lugar ás 20 horas no Marco e contarán con prestixiosos especialistas neste estilo musical como Carlos Sampayo, Enrique Turpin, Yann Causse ou Ivo Martíns. O escritor, crítico e docente Carlos Sampayo inaugurará o ciclo o vindeiro luns día 20 de xuño.
A sala de lectura da Biblioteca Pública Central de Vigo, que conta con 110 postos, ampliará o seu horario habitual con motivos dos exames de fin de curso, dende o 17 de xuño ata o 8 de xullo. Ademáis, ata finais de mes permanecerá aberto o plazo para participar no Bibliocampamento, no que durante o mes de xullo poderán participar nenos de 4 a 7 anos.
O Festival Internacional de Jazz de Vigo comeza mañá, xoves 16 de xuño, coa inauguración, na Casa das Artes, da exposición fotográfica "Sons imaxinarios, imaxes reais", despois da cal actuará o dúo formado polos guitarristas Chema Sáiz e Santiago de la Muela. A xornada completarase co concerto de Rao Trío.