venres, 9 mai 2008
"Continuamos poñendo a Vigo nos circuítos máis potentes de concertos internacionais", salientou este venres o tenente de alcalde, Santi Domínguez, quen anunciou que ás actuacións xa presentadas de Bob Dylan, Lenny Kravitz e The Quemical Brothers, entre outros, se suman as de Estopa o 28 de xuño, Pereza o 4 de xullo, e La Quinta Estación o 2 de agosto. Ademais, Santi Domínguez, indicou que con estes concertos tamén se está a cumplir o obxectivo de potenciar o Instituto Feiral de Vigo, posto que Estopa e Pereza actuarán neste recinto, mentres que o concerto de La Quinta Estación será en Castrelos.
mércores, 7 mai 2008
A programación estable de teatro para adultos posta en marcha pola Concellería de Cultura e Animación Sociocultural para o primeiro semestre do 2008 continúa mañá e pasado, 8 e 9 de maio, coa obra "O clube da calceta", a cargo da compañía Teatro do Morcego. A representación terá lugar ás 21:00 horas e as entradas, cun prezo de 5 euros, xa están a venda nas instalacións da Central de Espectáculos (na rúa Velázquez Moreno, número 26) e por internet na web www.centralespectaculos.com. Unha hora antes do comezo do espectáculo, se todavía quedasen entradas, poden mercarse na propia taquilla do Auditorio.
mércores, 30 abr 2008
As corais e as bandas de música de Vigo continúan durante o mes de maio o ciclo de actuacións prevista e organizadas pola Concellería de Cultura e Animación Sociocultural.
martes, 29 abr 2008
O vindeiro domingo, 4 de maio, clausúrase a exposición "Laxeiro, debuxos inéditos VI. Anatomías" que amosa 22 debuxos inéditos do corpo humano realizados por Laxeiro durante toda a súa traxectoria.
luns, 28 abr 2008
Con motivo do Día Internacional da Danza, o 29 de abril, o museo Verbum súmase ao proxecto Espazos Que Danzan, un festival de danza en espazos non convencionais organizado por EsperimentaDanza e EscénaTe.
luns, 28 abr 2008
A exposición "Antolóxica Luis Torras" é unha producción propia do Concello de Vigo en colaboración coa Fundación Caixa Galicia, co obxecto de ampliar a difusión da obra do artista que conta cunha mostra permanente na planta segunda da Casa do Concello. A actual exposición antolóxica preséntase ao público de acordo cos grupos temáticos que predominan na obra do autor establecidos pola comisaria da exposición, Ana Pereira Molares.
venres, 25 abr 2008
Coa obra "Sonata máxica" de Javier Muro, volve o sábado, 26 de abril, os espectáculos de maxia ao Auditorio Municipal, no marco da programación estable de teatro para o primeiro semestre de 2008, posta en marcha pola Concellería de Cultura e Animación Sociocultural. A representación, que terá lugar ás 18:00 horas, está dirixida a un público familiar.
venres, 25 abr 2008
Con la obra "Sonata mágica" de Javier Muro, vuelve el sábado, 26 de abril, los espectáculos de magia al Auditorio Municipal, en el marco de la programación estable de teatro para el primer semestre de 2008, puesta en marcha por la Concejalía de Cultura y Animación Sociocultural. La representación, que tendrá lugar a las 18:00 horas, está dirigida a un público familiar.
xoves, 24 abr 2008
O Verbum - Casa das Palabras cumpre cinco anos da súa apertura, e para celebralo acollerá o venres, 25 de abril ás 20 horas, un espectáculo de danza inspirado nas tradicións galegas. Ademais a entrada será gratuíta ata o domingo día 27.
xoves, 24 abr 2008
As 10.000 entradas para o concerto que ofrecerá Bob Dylan no Instituto Feiral de Vigo o 27 de xuño saerán o venres, día 25, a venda en Caixanova, no teléfono 902.504.500 e na web ww.caixanova.es, a un prezo de 35 euros cada unha, segundo anunciou este xoves o tenente de alcalde, Santi Domínguez. Ademais, salientou que para o concerto de Lenny Kravitz, que terá lugar o 29 de maio tamén no IFEVI, xa se venderon en só unha semana 3.000 entradas das 10.000 postas á venda.
