A compañía "Elefante Elegante" representará no Auditorio Municipal o venres 17 de xuño, ás 22,00 h o espetáculo "IN" que indaga na representación contemporánea da figura humana. A súa poesía visual nace da fusión do teatro coa danza, o vídeo e as artes plásticas.
Tras a presentación dos concertos do sétimo Festival de Jazz de Vigo Imaxina Sons péchase agora o programa completo de actividades con poesía, cine e o circuíto de música nos clubs. Do 17 ao 25 de xuño desenvólvese a programación que arrancará coa participación das escolas de música e o concerto no Centro Cultural Novacaixagalicia do contrabaixista Avishai Cohen (17 xuño, 22.30h). Durante os nove días de festival ademais proxectarase o documental Jazz en liberdade, do realizador Xes Chapela, un espectáculo poético-musical protagonizado pola escritora Eva Veiga e a programación Jazz na Noite que levará a música en horario nocturno aos clubs da cidade.
Os vindeiros sábados 11 e 18 de xuño, de 20 a 21 horas e con entrada gratuíta para todos os asistentes ata completar aforamento, terá lugar no museo Verbum – Casa das Palabras o espectáculo "Emoción e Palabras" Fundación Igual Arte - Espectáculo de expresión corporal.
A Concellería de Cultura e Animación Sociocultural organiza unha nova actuación dirixida ao público infantil e familiar o vindeiro domingo, 12 de xuño, ás 18 horas, no Auditorio Municipal. Trátase do espectáculo de maxia "Da'kara", que levará a escena o mago Dani García, do programa "Con t minúsculo". O prezo das entradas é de 3 euros para os nenos e nenas ata 12 anos e 5 euros para os maiores e pódense adquirir na web www.laboleteria.es ou na taquilla unha hora antes do comezo da actuación
O Auditorio Municipal acolle mañá venres, ás 21 horas, unha nova proposta da programación estable de artes escénicas que organiza a Concellería de Cultura e Animación Sociocultural. Trátase da obra de teatro "Ejercicios de amor", dirixida ao público adulto e interpretada pola compañía El Pont Flotant. As entradas teñen un prezo de 7 euros e pódense adquirir na web www.laboleteria.es ou na taquilla unha hora antes do comezo da actuación
Do 9 de xuño ao 10 de xullo a Casa das Artes de Vigo ofrece a oportunidade de coñecer a mostra de Menchu Lamas "O tempo é un círculo". Presenta obras de gran formato que abranguen dúas décadas da sua traxectoria, incluindo a década dos 90 e despois o periodo que vai do ano 2000 até agora. Recolle unha escolma das obras máis significativas no evoluir da artista nestas dúas etapas ben diferenciadas.
O museo Verbum – Casa das Palabras acolle as exposicións "Vigo Cidade Babel. O Verbum da Diversidade Lingüística" e "Galicia nas Ondas. 1933-2011" desde os pasados 29 de abril e 4 de maio respectivamente.Poden visitarse ininterrumpidamente de 10 a 19 horas de martes a domingo ata o vindeiro martes 14 de xuño inclusive; do 15 de xuño ao 15 de setembro en horario de martes a domingo de 10 a 14 horas e de 17 a 21 horas e a partir do 16 de setembro no horario habitual de inverno (de 10 a 19 horas).
O concelleiro de Cultura en funcións, Xesus López, presentou a 41 edición do Día da Muiñeira e o XII Concurso de Enxalzamento do Traxe Galego, que se celebrarán o sábado, 4 de xuño. O nacionalista sinalou que máis de 1.400 persoas participarán no acto central do evento, que terá lugar na Praza de Compostela ás 20.30 horas.
O Museo Liste acollerá o sábado, 4 de xuño, a xornada literaria Vanakkam/Benvidas, organizada pola ONG Implicadas no Desenvolvemento con motivo da presenza da poeta támil Salma, que estes días visita Galicia para presentar a súa novela " Despois da medianoite".
A programación estable de artes escénicas que organiza a Concellería de Cultura e Animación Sociocultural no Auditorio Municipal continúa o domingo co programa "con t minúsculo", dirixido ao público infantil. Ás 18 horas, a compañía Artestudio Teatro representará a obra "Valados". As entradas teñen un prezo de 3 euros para os nenos e nenas até 12 anos e de 5 euros para os maiores; pódense adquirir na web www.laboleteria.es ou na taquilla unha hora antes do comezo da actuación.