xoves, 9 dec 2010
A programación estable das artes escénicas que a Concellería de Cultura e Animación Sociocultural organiza no remodelado Auditorio Municipal continúa mañá, 10 de decembro, coa obra "O forno", unha comedia xestual que inclúe música en directo. A actuación, a cargo da compañía Elefante Elegante Teatro, será ás 21 horas e o prezo das entradas é de 7 euros. Pódense mercar na web www.laboleteria.es ou na propia taquilla unha hora antes do comezo do espectáculo.
venres, 3 dec 2010
A programación estable das artes escénicas do Auditorio Municipal propón este fin de semana dúas representacións teatrais. Mañá sábado, 4 de decembro, a compañía Trasnada interpretará a obra para público adulto "Post-Magritte" ás 20.30 horas. O domingo día 5, ás 18 horas, os nenos e nenas poderán ver "Valentino Rufino e Akil Pillabán de Viaxe a Milán", a cargo de Talía Teatro. Na web www.vigocultura.org pódese consultar o programa completo de actuacións que organiza a Concellería de Cultura.<br />
xoves, 2 dec 2010
A Concellería de Cultura informa que a obra "Volpone", prevista para mañá ás 21 horas no Auditorio Municipal cáncelase debido á enfermidade dun dos actores da compañía. As persoas que adquirisen a entrada anticipadamente a través da web www.laboleteria.es, se lles reembolsará nos próximos días o importe da entrada na mesma conta na que teñan domiciliada a tarxeta de crédito coa que realizaron a súa compra. Tanto a concellería de Cultura como Talía Teatro intentarán buscar outra data para facer esta representación tan pronto como se produza a recuperación do actor.
venres, 26 nov 2010
A programación estable de artes escénicas da Concellería de Cultura continúa este fin de semana co concerto que Renato Spencer ofrecerá mañá ás 20.30 horas e o teatro de monicreques que o domingo interpretará a compañía Telón de Azúcar ás 18.30 horas. O programa completo pódese consultar en www.vigocultura.org e as entradas pódense mercar na web www.laboleteria.es ou na propia taquilla unha hora antes do comezo das actuacións.
venres, 26 nov 2010
O tenente de alcalde, Santi Domínguez, destacou este venres que a mostra "Quiñones de León: unha nova pinacoteca para Galicia", que se poderá visitar na Casa das Artes desde hoxe e ata o 13 de febreiro, é o primeiro paso para dotar a Vigo dun espazo axeitado para amosar "os grandes tesouros que estaban no Museo de Castrelos e que forman parte da colección munical de arte galega. O nacionalista salientou que é "unha gran exposición" que "vai sorprender" ás persoas que se acheguen a contemplala.
mércores, 24 nov 2010
No Museo de Arte Contemporánea de Vigo remata esta semana a a programación audiovisual de ArtFutura no salón de actos del MARCO. As proxeccións, que comezaron o 4 de novembro e estiveron en marcha durante todo o mes, finalizarán este sábado 27 de novembro. ArtFutura está consolidado como o festival máis importante dedicado ás implicacións sociais, culturais e artísticas da tecnoloxía dixital e os novos medios.
luns, 22 nov 2010
O programa estable de artes escénicas que organiza a Concellería de Cultura continúa mañá, 23 de novembro, cun novo espectáculo musical. Nesta ocasión será o concerto que ofrecerán Alasdair Fraser no violín e Natalie Haas no violonchelo, ás 20.30 horas no remodelado Auditorio Municipal.
venres, 19 nov 2010
O teatro infantil da programación estable de artes escénicas que organiza a Concellería de Cultura continúa este domingo 21 de novembro ás 18 horas no Auditorio Municipal. Será coa obra "Unha casa", da compañía Higiénico Papel Teatro, recomendada para nenos e nenas de 3 a 8 anos e cunha duración de 40 minutos.
venres, 19 nov 2010
O tenente de alcalde, Santi Domínguez, e o concelleiro de Patrimonio Histórico, Eudosio Álvarez, visitaron este venres as obras de reforma interior e mantemento que se están executando no Pazo de Castrelos cun orzamento de 120.000 euros. Tras a visita, o tenente de alcalde salientou a prioridade destas actuacións, as primeiras en dez anos, no obxectivo de converter ao Museo de Castrelos no elemento vertebrador da oferta museística de Vigo. <br />
xoves, 18 nov 2010
As actuacións no Auditorio Municipal continúan mañá, 19 de novembro ás 21 horas, cunha nova sesión da programación estable de artes escénicas que organiza a Concellería de Cultura. Trátase do monólogo "Humor salvaxe" do artista Pepo Suevos, integrado no programa "Con T de teatro".