O venres ás 20:30h celebrarase no Auditorio do Concello de Vigo o concerto 1Tour2Chants, no que se amosarán composicións e versións de grandes figuras da canción francesa.
O Verbum programa para os domingos do mes de xaneiro un obradoiro de iniciación á poesía para público de entre 5 e 8 anos. O obradoiro de carácter gratuito celebrarase en horario de 12.00 a 13.00 e os asistentes poderán facer lecturas de poemas da autora do obradoiro, Alicia<br /> Fernández, pero ademais gozarán con poemas infantís de diferentes autores como<br /> Manuel María a Elvira Riveiro.
A Biblioteca Neira Vilas presenta a nova programación para o trimestre que comeza, no que continuarase coas actividades permanentes como o Sabadiño do Roque, os Estoxos Viaxeiros, a Hora dos contos ou o club de lectura; pero no que tamén se organizarán outras novas como o entroido e o día da poesía.
O venres 13 ás 20:30h celebrarase no Auditorio do Concello de Vigo o concerto 1Tour2Chants, no que se amosarán composicións e versións de grandes figuras da canción francesa.
Finalizado 2011, o MARCO de Vigo fai balance das actividades postas en marcha dende o Museo durante os últimos doce meses, entre as que destacan as exposicións temporais e a programación didáctica para público infantil e adulto, entre moitos outros eventos e actividades. O balance cuantitativo, cun cómputo global de 116.556 visitantes en 2011, foi o máis elevado na historia do MARCO dende a súa apertura ao público a finais de 2002.
Con fin de atender a demandan dos estudantes universitarios, a Biblioteca Pública ampliará o seu horario entre os días 9 e 20 de xaneiro, ambos incluídos. A sala de lectura permanecerá aberta ata ás 22,00 horas (normalmente pecha ás 20,30 horas) de luns a venres, os sábados, ademais de abrir pola mañá, será accesible tamén de 17,00 a 22,00 horas, e os domingos, habitualmente pechada, permanecerá aberta entre as 10,00 e as 14,00 horas.
Abel Caballero avanzou esta mañá que a xestión do Arquivo Pacheco, un "magnífico proxecto" sairá a concurso público para que se poidan presentar todas as empresas que así o decidan. O rexedor ratificou a vocación política do Executivo local de manter esta mostra porque "é unha das grandes riquezas da cidade, memoria vivinte dos últimos 100 anos".
A partir do martes 3 de xaneiro, coincidindo co inicio de 2012, o MARCO de Vigo modifica os seus horarios de apertura ao público. O cambio máis importante consiste en que as salas de exposición pecharán a mediodía, entre as 14.30 e as 17.00, de martes a sábados (festivos incluídos). O domingo continuarán abertas ao público en horario de mañá ata as 14.30, e o luns seguirá sendo o día de peche, como ata agora. Este cambio afecta tamén á apertura da Biblioteca-Centro de documentación no seu horario de tarde, que pasa a ser de 17.00 a 21.00 (en lugar de 16.00 a 20.00).
O alcalde de Vigo, Abel Caballero, presentou este xoves o concerto de aninovo que ofrecerá Siniestro Total no Teatro García Barbón para conmemorar os seus 30 anos de traxectoria musical. A "suite sinfónica suicida" Land of Opportunity unirá o rock dos vigueses coa música contemporánea do Taller Atlántico Contemporáneo o próximo 4 de xaneiro ás 21:30 horas, con entradas á venda desde 12 euros.
A Concellería de Cultura e Festas programa para o xoves, 22 de decembro, ás 21.00 horas un concerto de Nadal do Coro Concento de Vigo no Auditorio Municipal do Concello. Entrada libre até completar capacidade mediante invitación que se recollerá no despacho de billetes do Auditorio o mesmo día da actuación desde unha hora antes do comezo do concerto.