venres, 25 nov 2011
Vagalume Colectivo de Aventuras Teatrais presenta no VERBUM este obradoiro dirixido ao público en xeral, pero especialmente pensado para o profesorado de primaria, secundaria e bacharelato interesado en afondar, a través da técnica teatral, na figura de Álvaro Cunqueiro.
venres, 25 nov 2011
A Semana de Teatro Afeccionado, organizada pola Agrupación de Centros Deportivos e Culturais coa colaboración da Concellería de Cultura e Festas, comeza a súa sétima edición o sábado 26 coa actuación da compañía Porta Aberta que representa a obra "Aquí non paga ninguén" no Centro Cultural de Beade.
venres, 25 nov 2011
A Concellería de Festas do Concello de Vigo organiza, en colaboración coa Asociación Cultural Interfolc, as XII Xornadas de Danza e Música Tradicionais Galegas, no Centro cultural de Valadares.O domingo 27, ás 19 horas terá lugar a final das xornadas.
venres, 25 nov 2011
A Concellería de Igualdade e o Consello Municipal da Muller organizan durante o este mes no VERBUM un ciclo de cine infantil, co gallo da conmemoración do 25 de novembro, Día Internacional contra a violencia de xénero. A última das proxeccións terań lugar o domingo 27 de novembro ás 17,30 h. con entrada libre ata completar o aforo do local.
mércores, 23 nov 2011
Esta é a derradeira semana do programa audiovisual ArtFutura, que se proxecta no salón de actos do MARCO e que finaliza este sábado 26, catro semanas despois da súa estrea a principios de novembro, en exclusiva para Galicia.
martes, 22 nov 2011
O alcalde de Vigo recibiu este martes ao líder, Julián Hernández, da histórica banda viguesa que a finais deste ano cumprirá trinta anos de traxectoria musical. Abel Caballero eloxiou o papel de Siniestro Total como embaixadores da cidade no exterior e tamén o seu rol na cultura en Galicia e España, polo que "desde Vigo temos que rendirlles unha homenaxe", que terá lugar posiblemente a comezos do mes de xaneiro.
No museo "Quiñones de León" e ata o nadal<br />
Un percorrido polo Vigo da Idade Media, as cantigas, trobadores e xograres
luns, 21 nov 2011
O Museo Municipal "Quiñones de León" remata a mediados do próximo mes de decembro a exposición temporal "O Son das Ondas" que ven de ser amosada dende o pasado mes de maio e que foi organizada polo museo municipal, producida por Editorial Galaxia e Merlín Comunicación e comisariada por Henrique Monteagudo.
venres, 18 nov 2011
A obra "A princesa balinesa" trata das desventuras da princesa Xamira e a súa misión de encontrar os catro tesouros sagrados ou perderá o seu reino, que foi roubado pola malvada e poderosa deusa do Mar Negro Calixta. Na súa axuda pola busca dos tesouros, acudirá un aprendiz de mago bastante torpe.Este é o argumento da obra que se representa o sábado 19, ás 18.00 horas no Auditorio Municipal.
xoves, 17 nov 2011
"E. R. (Algún día traballaremos xuntas)" sube ao escenario a catro actrices que tentarán dar consolo ao medo do paso do tempo e das ilusións.Será o venres 18 de novembro ás 21.00 horas no Auditorio Municipal dentro do programa "CON T DE TEATRO" da Concellería de Cultura e Festas.
mércores, 16 nov 2011
O Verbum acolle, un ano máis, unha nova edición do certame de vídeo e curtametraxe Secuencia Cero, que terá lugar os días 17,18 e 19 de novemebro. Durante os días de proxección poderánse ver a selección de obras escollidas, nas que haberá tres categorías: curtametraxe, documental e videocreación.