venres, 26 mar 2010
O secretario de Estado de Cooperación Territorial, Gaspar Zarrías, confirmou hoxe na cidade que Vigo ten validadaos todos os proxectos presentados polo Concello ao Fondo Estatal para el Empleo y la Sostenibilidad Local (FEESL). Zarrías asegurou que "Vigo cumpriu cos requisitos da nova tipología" do fondo; tipoloxía que o Goberno quere que xire cara a sostenibilidade desde o punto de vista económico, social e ambiental, na liña dos parámetros do texto da Lei de Economía Sostible aprobada recentemente polo Consello de Ministros. Segundo explicou o Secretario de Estado os concellos teñen un papel fundamental no desenvolvemento desta lei.
venres, 26 mar 2010
Abel Caballero anunciou este venres o envio dunha carta ao presidente da Xunta de Galicia, Alberto Núñez Feijóo, na que lle solicita unha reunión para "inmediatamente" abrir o diálogo de cara a "transformar o proxecto privado dun hospital <de Vigo> en proxecto público dun hospital". Esta solicitude está respalda por "case 50.000 persoas" que onte xoves manifestáronse na cidade olívica "en defensa da sanidade pública", concluíu.
xoves, 25 mar 2010
Espacio Atlántico e o MARCO, Museo de Arte Contemporánea de Vigo, asinaron hoxe xoves 25 de marzo un convenio polo que a feira de arte de Vigo cede en depósito ao centro as obras que integran a Colección Espacio Atlántico, iniciada este ano 2010 coa adquisición de traballos de sete artistas: o brasileiro José Bechara, o portugués Francisco Tropa, os españois Ana Soler e Karmelo Bermejo, e os galegos Misha Bies Golas e Antía Moure. A directora da feira, Marta Scarpellini, e o presidente do Padroado do MARCO e alcalde de Vigo, Abel Caballero, fixeron efectiva a sinatura do convenio na sede do museo vigués, que xa acolle esta colección que se integrará en futuras exposicións.
mércores, 24 mar 2010
Abel Caballero asegurou este martes, tras unha reunión cos conselleiros de Mar e Medioambiente, que "estamos en camino dun acordo" coa Xunta para a ETEA. O alcalde engadíu que a coincidencia entre as administracións radica na cesión de espazos para o Campus do Mar, na negativa a un porto deportivo, en abrir o espazo marítimo e deportivo á cidadanía e na construcción dun centro de maiores. A Xunta, que remitirá a súa proposta ao Concello, podería incluir vivenda na zona, o que o alcalde non ve necesario.
martes, 23 mar 2010
Abel Caballero asegurou este martes que a concesión do dominio está "falado e acordado" e falta unicamente a ratificación oficial. O paseo implicará o derrubo "en semanas" dos muros que separan o antigo recinto militar das praias de A Punta e Ríos, a retirada do vallado e a unión de ambos areais cun paseo marítimo a través da ETEA. O proxecto está "ao borde de ser licitado" por case un millón de euros e permitirá que "todo o ámbito marítimo quedará aberto e de uso cidadá", asegurou o alcalde.
mércores, 17 mar 2010
Tras unha reunión coa Plataforma pola Defensa da Sanidade Pública, Abel Caballero amosou este mércores o seu "apoio absoluto" ás tesis do colectivo, e reclamou á Xunta de Galicia un novo hospital público, con 1.450 camas, de financiamento público e áreas de investigación referenciais. Este modelo, "garantía" da calidade asistencial e "perfectamente viable", rixe nos restantes hospitais galegos, o mesmo que o alcalde demanda para Vigo.
martes, 16 mar 2010
Abel Caballero visitou este martes as obras de humanización da marxe esquerda da Avenida de Europa, desde o colexio "Amor de Dios" ata a Avenida de Samil, cun investimento de 900.000 euros. O Concello acelerará os traballos para ter a beirarrúa lista en verán, e en outono o resto da mellora. Aproximadamente en ano e medio ou dous anos iniciarase a marxe dereita da Avenida, que dará continuidade ao paseo verde da Avenida de Castelao.
venres, 12 mar 2010
O máximo representante da Cámara Alta, Javier Rojo, mantivo este venres unha reunión co alcalde, Abel Caballero, asinou no libro de honra, para despois ser recibido pola Corporación Local de Vigo. En comparecencia conxunta co rexedor vigués, o presidente asegurou que Vigo "é unha gran cidade, con moito potencial" e defendeu o papel dos concellos no modelo das autonomías. Previamente, Javier Rojo pronunciou un relatorio no Pazo Os Escudos dentro da tribuna Fórum Europa.
O Alcalde de Porto, novo vicepresidente, tentará, xunto a presidencia de Vigo, darlle, a entidade transfronteiriza, a maior relevancia política diante dos gobernos de España e Portugal.
xoves, 11 mar 2010
O alcalde de Vigo e presidente do Eixo Atlántico, Abel Caballero, afirmou que entre os acordos adoptados pola executiva, ademais do nomeamento de Rui Rio como vicepresidente, figuran o establecemento dun sistema de funcionamento en rede entre todos os concellos do Eixo Atlántico, tratando de que este sexa un elemento vertebrador da eurorrexión.
mércores, 10 mar 2010
Abel Caballero visitou este mércores os traballos de humanización da rúa Escultor Gregorio Fernández, por valor de 1,13 millóns de euros e que estará rematada en xuño. O alcalde a cualificou como "unha das obras importantes desta cidade", que converterá ao entorno nunha das "zonas notables" de Vigo ao sumar á reforma a nova estación de Urzáiz de Thom Mayne, que terá á súa entrada á altura da rúa.
