xoves, 15 xan 2004
A alcaldesa de Vigo, Corina Porro, apostou hoxe por converter o Casco Vello no "emblema de Vigo" e recuperar espacios na zona para o desfrute e o ocio dos vigueses. Corina Porro, acompañada por un arquitecto municipal e outro da delegación da Consellería de Economía, así coma a secretaria desta delegación, visitou hoxe as instalacións do edificio Cambón, onde se vai emprazar a Alcaldía de Vigo. Corina Porro indicou neste sentido a posibilidade de que se sitúe tamén neste inmoble o salón de plenos, e avanzou que espera que o traslado se produza este ano. <br />
mércores, 14 xan 2004
A alcaldesa Corina Porro reuniuse hoxe cos integrantes da Asociación de Industriais Metalúrxicos de Galicia, coa xunta directiva de Anfaco e representantes de Conxemar, a quen trasladou a vontade de colaboración do Concello. No encontro cos integrantes de Asime, Corina Porro abordou aspectos coma o solo industrial, a formación de desempregados e referiuse ó futuro do porto de Vigo.
luns, 12 xan 2004
Rematar co abandono de moitas das zonas da cidade, recupera-lo litoral ou darlle un púlo ó Casco Vello son algúns dos obxectivos desta sociedade, que se marca coma horizonte saída de Vigo, en novembre de 2005, da "Volvo Ocean Race"
luns, 5 xan 2004
A alcaldesa de Vigo, Corina Porro, anunciou hoxe a intención do Goberno municipal de realizar no ano 2004 “un grande esforzo” coa parroquia de Bouzas, “un esforzo continuado, para resolver, definitivamente, os desencontros do pasado”, sinalou a alcaldesa no transcurso dos actos de conmemoración do centenario da agregación dos municipios de Vigo e Bouzas.
venres, 26 dec 2003
A alcaldesa, Corina Porro e o presidente da Cámara de Comercio, José García Costas, acordaron estreitar a colaboración entre ámbalas dúas institucións. Nun primeiro encontro que mantiveron, a alcaldesa e o presidente abordaron os grandes temas da cidade, coma o Plan Xeral de Ordenación Municipal e falaron de posibles colaboracións con vistas ó futuro, entre elas a posibilidade de que o vindeiro Plan Municipal de Emprego inclúa un viveiro de empresas, unha iniciativa na que agora traballa a Cámara de Comercio.
martes, 23 dec 2003
A alcaldesa de Vigo, Corina Porro, solicitou á Xunta de Galicia a cesión do edificio Cambón, emprazado en pleno Casco Vello vigués, para ser ocupado pola Casa do Concello, e instalar alí a Alcaldía. Nun encontro que mantivo esta mañá co presidente da Xunta, a alcaldesa adiantoulle que desde o novo equipo de Goberno municipal tense pensado reorganiza-lo propio concello vigués, xa que na actualidade se vén xestionando do mesmo xeito que hai vinte anos. A xuízo da rexedora olívica, é preciso "facer unha aposta pola modernización, eficacia, eficiencia e polos controles de calidade" e iso implica "unha remodelación do propio edificio e dos espacios municipais".
luns, 22 dec 2003
A Alcaldía decidiu a ampliación do alumeado de Nadal en vintecinco rotondas e glorietas da cidade. A actuación realizase a proposta do departamento municipal de Vías e Obras e consiste na instalación de mangueiras de cor branco nos bordes das circunferencias das rotondas.
venres, 19 dec 2003
A alcaldesa, Corina Porro, anunciou hoxe que o Goberno encargou a Zona Franca a elaboración dun estudio sobre a recuperación do borde litoral de Vigo no que se defina a relación entre o Porto e a cidade. Corina Porro deu conta desta decisión tras un encontro que mantivo co presidente da Autoridade Portuaria, Julio Pedrosa, e sinalou que este estudio podería estar rematado no prazo de dous meses.
xoves, 18 dec 2003
A Alcaldía publica un bando no que dispón que é preciso contar coas pertinentes autorizacións para organizar actividades de carácter festivo nos días de Nadal, Fin de Ano e Reis, para o que é necesario dispoñer de autorización nos locais que non conten coa licencia para tódolos actos programados.
mércores, 17 dec 2003
A alcaldesa, Corina Porro, salientou hoxe a importancia de que Vigo lidere o sector do textil e se convirta nun dos eixes máis importantes de Galicia-Norte de Portugal. Durante un encontro coa asociación Texvigo, que integra a 45 empresas do sector do textil e que presentou á alcaldesa o seu proxecto para a futura cidade textil, Corina Porro amosou o compromiso do Concello para facilitar e axilizar o tódolos trámites para que a cidade textil sexa, no menor tempo posible, unha realidade.