xoves, 8 xul 2004
A alcaldesa, Corina Porro, entregoulle ao presidente de Goberno, José Luis Rodríguez Zapatero, un informe coas demandas pendentes da cidade en asuntos de competencia estatal. O acto tivo lugar esta mañá en Santiago de Compostela nun encontro que o presidente do Goberno mantivo cos alcaldes das sete grandes cidades de Galicia no que se abordou a necesidade de contar con maior financiamento local por parte dos concellos.
mércores, 30 xuñ 2004
O Concello de Vigo asumirá a partires de mañá, 1 de xullo, a xestión directa do mercado de O Progreso ata que rematen os trámites para que a nova concesionaria asine o contrato. Persoal municipal trasladarase ao mercado por un período aproximado de entre 30 e 60 días.
mércores, 30 xuñ 2004
A alcaldesa de Vigo, Corina Porro, recibiu hoxe a un grupo de mulleres de Brasil, México e Venezuela, profesionais de éxito nos seus respectivos países e familiares de emigrantes galegos. As mulleres, economistas, empresarias, sociólogas, profesoras universitarias, executivas, enxeñeiras ou diplomáticas, participan estos días en Santiago no seminario "Xénero e diáspora", organizado polo Servicio Galego de Igualdade e pola Consellería de Emigración.
Cidadáns vigueses gardan na praza do Rei un minuto de silencio pola morte da muller de Valencia
martes, 29 xuñ 2004
O Concello de Vigo convocou hoxe aos vigueses a unha concentración silenciosa en memoria da última víctima por violencia de xénero ocorrida en Benicolet (Valencia).
xoves, 24 xuñ 2004
A alcaldesa Corina Porro inauguraba esta mañá o salón "Vigo Náutica Internacional" que se celebrará entre o 24 e o 27 de xuño no recinto Feiral de Cotogrande. No salón participarán máis de 50 expositores entre firmas de mecánica, de efectos navais, estaleiros e varadoiros, electricidade naval e electrónica de comunicacións, velerías, empresas de seguridade marítima, de roupa e de complementos. <br />
Corina Porro e Francisco López Peña mantiveron hoxe a primeira reunión oficial
martes, 22 xuñ 2004
A alcaldesa de Vigo, Corina Porro, entregou hoxe ao delegado do Estado no Consorcio da Zona Franca, Francisco López Peña, un dossier con documentación dos convenios e asuntos pendentes que afectan á cidade e que son compartidos tanto polo Concello como polo consorcio, así como novas propostas de colaboración entre as institucións.
Unha Comisión técnica determinará ós vehículos e equipamentos a adquirir, así como o ámbito de actuación e o incremento de persoal
venres, 18 xuñ 2004
O Concello de Vigo, a Consellería de Xustiza e a Deputación Provincial de Pontevedra asinaron esta mañá un protocolo de colaboración co obxectivo de fixar as liñas de colaboración entre as tres Administracións co fin de potenciar o Parque Municipal de Bombeiros da cidade para que pase a prestar servicio nos seus concellos máis cercanos.
Corina Porro manifestou hoxe durante a presentación do salón que "Vigo non podía perder esta oportunidade"
xoves, 17 xuñ 2004
A alcaldesa de Vigo, Corina Porro, destacou durante a presentación de Vigo Náutica Internacional que "hoxe é un día importante para Vigo" e que "a cidade non podía perder a oportunidade de celebrar este evento, que suporá o pistoletazo de saída a un ano que terá como protagonista ao mundo da náutica, coa saída de Vigo da Volvo Ocean Race". Corina Porro indicou que "é responsabilidade do Concello querer sacar adiante o salón pola importancia que ten para Vigo".<br />
Corina Porro manifestou nos actos conmemorativos do Día de Portugal que "a partires do 2009 nos unirán rápidos camiños de ferro" e que hoxe "nos une o Camiño Portugués, que en ano Xacobeo adquire a&
xoves, 10 xuñ 2004
A alcaldesa, Corina Porro, destacou hoxe que o impulso ao Ave do Eixo Atlántico é a "mellor proba" do recoñecemento á importancia das relacións económicas e interpersoais de Galicia e de Vigo con Portugal. A rexedora lembrou , no seu discurso con motivo dos actos conmemorativos do Día de Portugal, que o 30 de outubro do ano pasado o Ministro de Cidades de Portugal e a entón Ministra de Administracións Públicas selaban o acordo en Madrid, e que suporá que en 2009 "nos unirán rápidos camiños de ferro". "Hoxe-engadiu a alcaldesa- dende hai longo tempo, tamén nos une o Camiño Portugués, que en ano Xacobeo adquire aínda maior relevancia".
martes, 8 xuñ 2004
"O movemento sindical ten a responsabilidade de reflexionar sobre a diversidade que existe entre os traballadores europeos e toma-la iniciativa para unha Europa social e laboral en igualdade para todos e todas". Con estas palabras dirixiuse esta mañá a alcaldesa Corina Porro na inauguración do V Congreso da Unión Comarcal de CC.OO. de Vigo que se celebra no centro social Caixanova.
