venres, 4 nov 2005
Xa están a venda as entradas para o concerto que ofrecerán o grupo andaluz Chambao e o catalán Pastora o vindeiro día 10 de novembro, ás 21 horas, no pavillón das Travesas e que organiza o Concello de Vigo con motivo da saída da Volvo Ocean Race. A entrada cun prezo único é de 6 euros.
venres, 4 nov 2005
A alcaldesa Corina Porro e o delegado da Zona Franca, Francisco López Peña, inauguran o sábado 5, ás 12 horas as intervencións urbanas realizadas no contorno da Alameda . O acto é o principio da programación organizada polo Concello con motivo da saída da Volvo Ocean Race.
luns, 24 out 2005
O Ifevi albergará a exposición sobre o Titanic entre o 28 de outubro ata o 15 de xaneiro de 2006 e que presentou hoxe luns a alcaldesa,Corina Porro xunto co comisario da exposición, Jesús Ferreiro e o reprentante de Caixanova, Guillermo Brea, como entidade patrocinadora.
luns, 24 out 2005
A alcaldesa, Corina Porro, presentou hoxe luns os actos que dentro do programa VIGO5 van ter lugar na nosa cidade para celebrar a saída da Volta ao Mundo a Vela. Estes actos desenvolveranse do 5 ao 12 de novembro no porto, no mar e nas rúas co obxectivo de que todos participen.
A exposición acollerá contacontos para nenos e adultos a fin de semana do 21 ó 23 de outubro
luns, 17 out 2005
Baixo o título "80 fotos ó redor de Verne", o Verbum acolle desde o día 18 de outubro, e ata final de ano, un percorrido en imaxes realizadas por oito fotógrafos que amosan a súa personal visión da obra literaria de Xulio Verne. Algúns deles inspiráronse en Vigo para levar adiante este proxecto, outros empregaron a ironía e outros basearon o seu traballo en obras concretas do autor de "Vinte mil leguas de viaxe submariña" ou "Viaxe ó centro da terra".
venres, 14 out 2005
Con motivo do centenario do pasamento do escritor francés Xulio Verne, o Concello de Vigo vén de poñer en marcha varias iniciativas para alaba-la súa figura e lembrar que o imaxinativo escritor adicou á bahía de Vigo o capítulo VIII da segunda parte dun dos seus máis afamados títulos: "Vinte mil leguas de viaxe submariña". Esta iniciativa, que presentou hoxe venres a alcaldesa, Corina Porro, coincide ademáis co ano no que a bahía desta cidade encherase cun dos acontecementos máis salientables do deporte náutico, a Volta ó Mundo a Vela, e se enmarca, pois, nas iniciativas do proxecto VIGO5.
venres, 14 out 2005
No terreo da ensinanza e para o fomento da lectura, o Concello de Vigo puxo en marcha unha campaña para repartir 6.695 libros escritos por Xulio Verne, clasificados en 515 coleccións. Tódalas bibliotecas de colexios públicos e centros concertados de Vigo, así como as das asociacións veciñais e culturais e as bibliotecas públicas da cidade están a recibir nestes días unha selección de 13 dos mellores títulos do precursor da ciencia ficción.
xoves, 6 out 2005
A alcaldesa Corina Porro reclama para a cidade a titulación superior de danza. Esta proposta anunciouna a alcaldesa, esta mañá, no acto de inauguración do curso académico da Escola Superior de Arte Dramático.
martes, 4 out 2005
"Somos referentes mundial no ámbito da pesca. O sector da pesca sigue sendo un dos nosos principais motores de desenvolvemento económico e a nosa vontade é por a súa disposición as infraestructuras que precisa para seguir crecendo e mellorando a súa competitividade". Estas verbas pronunciounas hoxe martes a alcaldesa de Vigo, Corina Porro, no acto de inauguración da feira do sector do conxelado Conxemar que se celebra no recinto do IFEVI ata o próximo día 6 de outubro.
xoves, 29 set 2005
A alcaldesa,Corina Porro, e o presidente do Círculo Cultural, Mercantil e Industrial de Vigo, Cándido Rial, asinaron esta mañá un convenio de colaboración para o desenvolvemento das actividades desta entidade ao longo do presente ano.