martes, 15 xuñ 2010
O ministro de Industria, Miguel Sebastián, visitou este martes as instalacións da factoría viguesa de PSA Peugeot Citroën -acompañado do alcalde de Vigo, Abel Caballero- tras o que acudíu ao astaleiro de Metalships. Sebastián asegurou que traballa co Concello e Xunta para instalar unha factoría de baterías, e salientou a relevancia do coche eléctrico, no que tamén traballa co goberno municipal.
martes, 15 xuñ 2010
O alcalde de Vigo, Abel Caballero, clausurou este martes no Pazo Os Escudos unhas xornadas organizadas por El Nuevo Lunes e Caja Madrid baixo o epígrafe Internacionalización e Experiencias Empresariais. A xornada contou con mesas redondas e a participación de profesionais de Caja Madrid, Vasco Gallega e PSA Peugeot Citroën, entre outros.
A Asociación Arte & Filigrana organizou o evento xunto coa Alcaldía de Vigo
luns, 14 xuñ 2010
O pasado sábado, no Pavillón do Berbés, tivo lugar a Demostración e Exposición de Encaixe de Bolillos, con presenza maioritaria de palilleiras galegas. A xornada, que deu comezo ás 10:30 e rematou ás 19 horas, foi gratuita para o público e incluíu xunto á mostra un mercadillo con produtos á venda. Entre as 33 asociacións participantes, das que 15 son de Vigo, sorteáronse cinco cheques regalo que entregou a edil de Economía, Raquel Díaz.
venres, 11 xuñ 2010
O alcalde de Vigo visitou hoxe venres a reformada rúa Mestre Alfredo González, en Cabral, mellora que forma parte do plan municipal que destina oito millóns de euros a reformas nas parroquias de Vigo. Os 2,2 millóns investidos "amosan o noso interese e vontade" con Cabral, indicou Caballero, quen detallou actuacións municipais na zona en rúas, parques infantís, pistas deportivas e zonas axardinadas.
xoves, 10 xuñ 2010
O alcalde de Vigo, Abel Caballero, amosou este xoves a súa "satisfacción" porque a Xunta de Galicia teña aceptado a alegación do Concello ao Plan de Ordenación do Litoral, que solicitaba a retirada deste ou a súa adaptación á normativa local que marca o PXOM. O rexedor indicou que este é "un tema resolto" no que atinxe á cidade de Vigo e a Xunta "da a razón" ao Concello na súa alegación.
mércores, 9 xuñ 2010
O alcalde entrevistouse este mércores coa nova directora do Aeroporto de Vigo, Noelia Martínez, e anunciou o remate da primeira fase dos traballos de construcción do novo aparcadoiro de Peinador, 1.000 prazas que estarán dispoñibles en xullo. Caballero informou que en febreiro do próximo ano estará totalmente concluído, con 2.600 prazas en total. Con respecto á nova terminal, o alcalde asegurou que este verán comenzarán as obras de construcción.
martes, 8 xuñ 2010
O alcalde de Vigo, Abel Caballero, informou este martes da convocatoria para mañá dun Pleno para a modificación das retribucións dos funcionarios do Concello e para validar a rebaixa do 15% nos soldos do alcalde e concelleiros. "Recoñezo o esforzo que fan os funcionarios do Concello", apuntou o primeiro edil, quen indicou que a aplicación do decreto do Estado permitirá á cidade aforrar 1.243.000 euros este ano.
martes, 8 xuñ 2010
Abel Caballero informou este martes da remisión dunha carta ao Vicepresidente terceiro do Goberno de España, e ministro de Política Territorial, Manuel Chaves, solicitando a desaparición das deputacións do ámbito das grandes cidades. O alcalde argumenta que trátase dunha medida de aforro, xa que os concellos xestionarían as competencias e os recursos con máis eficacia e evitaría a duplicidade administrativa.
luns, 7 xuñ 2010
Abel Caballero e Pierre Ianni participaron o pasado sábado en "O centro de Vigo en bicicleta", unha iniciativa de PSA aberta a toda a cidadanía para conmemorar o Día Mundial do Medioambiente. Na xornada os participantes puideron realizar un circuito en bicicleta pola factoría de Vigo de Citroën e coñecer as accións desempeñadas pola empresa pola sostibilidade.
luns, 7 xuñ 2010
O alcalde de Vigo, Abel Caballero, e o decano do Colexio de Arquitectos de Galicia, Celestino García Braña, asinaron este luns un convenio para rexistrar en Urbanismo vía Internet a documentación para a solicitude de licenzas. "Xa non circulará un só papel" dos arquitectos en Galicia no Concello vigués, co que a Xerencia "terá un tratamento moito máis rápido" axilizando así a concesión de licenzas.