mércores, 22 set 2010
O alcalde de Vigo reclamou este mércores á Xunta de Galicia e ao Comité de Rutas o establecemento de voos que unan Vigo con Bruxelas, Londres e un aeroporto en centro Europa -como Amsterdam, por exemplo- con liñas ao resto do mundo. Caballero buscará o respaldo da Confederación de Empresarios de Pontevedra e da Cámara de Comercio de Vigo para que a Xunta de Galicia "apoie económicamente" estas conexións e poder así "facer fronte" a Oporto.
martes, 21 set 2010
O alcalde, Abel Caballero, reuníuse este martes co Comité Organizador do Salón do Automóbil de Vigo, que en 2011 celebra o seu vixésimo aniversario, e garantíu a cooperación do Concello para publicitar a feira en España e no norte de Portugal. O obxectivo pasa por darlle "dimensión nacional" ao evento, apuntou Caballero.
martes, 21 set 2010
O alcalde, Abel Caballero, remitíu unha carta ao Presidente da Xunta de Galicia, Alberto Núñez Feijóó, reclamándolle que os orzamentos de 2011 inclúan para Vigo a reforma dos viais de titularidade autonómica, melloras en sanidade e en educación -como un colexio en Navia- e un plan de emprego para a cidade olívica para a formación de 500 desempregados. Estas demandas súmanse á promoción do aeroporto vigués xa solicitado en comunicacións anteriores.
luns, 20 set 2010
Abel Caballero inaugurou este luns formalmente o paseo da Avenida de Europa ata Samil, onde construíse unha beirarrúa con áreas de descanso, arborado, alumeado e bancos cun investimento de 500.000 euros. Esta obra foi realizada por 30 traballadores do programa de emprego municipal Vigo Ornamental, como parte da súa formación laboral, e o alcalde indicou que o firme é como o da Praza do Comercio de Lisboa.
luns, 20 set 2010
O alcalde de Vigo agradeceu este luns a "cooperación" dos veciños e veciñas da cidade, que ceden gratuitamente parte dos seus terreos para que o Concello poida construir beirarrúas. Caballero estimou en 2.000 metros cadrados os espazos permutados, un dos cales fixo posible a construcción de beirarrúas na baixada a Saiáns, proxecto modificado este luns na Xunta de Goberno Local.
luns, 20 set 2010
O alcalde, Abel Caballero, fixo entrega este luns dun agasallo institucional a Aida Fernández e Antonio Padín, investigadores do CSIC, en recoñecemento polo "índice de impacto de calidade máis elevado do mundo" que recibíu o seu estudo sobre a afección dos condicionantes ambientais na cantidade e calidade do marisco da Ría de Vigo. A súa investigación foi editada en prestixiosas publicacións internacionais.
xoves, 16 set 2010
O alcalde de Vigo e presidente da Rede Española de Cidades polo Clima presentou hoxe xoves a Semana Europea da Mobilidade xunto coa ministra de Medio Ambiente, Elena Espinosa, e a titular de Sanidade, Trinidad Jiménez. Caballero resaltou a "revolución" que supón os novos espazos creados na cidade para os peóns e avogou pola potención do transporte colectivo, polas urbes policéntricas para facilitar o desprazamento a pé e pola mobilidade sostible, con proxectos como o coche eléctrico.
mércores, 15 set 2010
Tras a publicación onte martes no Boletín Oficial do Estado do Plan Director de Peinador por parte do Ministerio de Fomento, o alcalde aseverou que a primeira pedra da nova terminal colocarase "de forma inmediata", que, xunto co novo aparcamento de 2.600 prazas, conforman as dúas pezas centrais da ampliación do aeródromo vigués. O alcalde indicou que está a mediar entre Fomento e a Comunidade de Montes de Cabral para acelerar os pagos pendentes polos terreos.
mércores, 15 set 2010
Abel Caballero presentou hoxe mércores o "climabús", un autobús itinerante ubicado na Porta do Sol ata mañá xoves -o venres estará na Cidade Universitaria- e equipado cunha mostra didactica co obxectivo de sensibilizar e concienciar á cidadanía sobre o cambio climático. A iniciativa foi posta en marcha pola Fundación Oxígeno en colaboración co Ministerio de Medioambiente.
mércores, 15 set 2010
O alcalde reuníuse este mércores cos responsables da "feira de conxelado máis importante do mundo", que terá lugar no IFEVI do 5 ao 7 de outubro, datas nas que Caballero confía que poida estar operativa a primeira fase do novo aparcamento do aeroporto, con capacidade para 800 prazas. Caballero asegurou que poderase acceder a pé desde Peinador ao recinto e definiu a Conxemar como "o Xacobeo de Vigo" pois completa a oferta hoteleira de toda a provincia.
