O alcalde chama á participación na manifestación en defensa da sanidade pública
Abel Caballero fixo este xoves un chamamento á cidadanía viguesa a participar esta tarde, ás 20 horas desde o Hospital Xeral, na manifestación en defensa da sanidade pública e da saúde, unha reivindicación que ten "todo o respaldo do alcalde da cidade", incidíu, en demanda da calidade na asistencia sanitaria.
Este xoves, día da "gran manifestación" en defensa da sanidade pública convocada pola Xunta de Persoal do Chuvi, o rexedor de Vigo chama a toda a cidade a que acuda á mobilización que conta co pleno apoio do alcalde porque "nesta batalla da defensa da saúde da cidadanía viguesa imos estar involucrados de forma total e absoluta. É a nosa saúde a que está en risco e perigo por tantas e tantas deficiencias dun hospital privado que vai seguir tendo problemas de atención, sen laboratorio, rexido desde o ámbito privado, cun aparcamento de pago e con esta situación de traslado totalmente dramática e calamitosa".
Abel Caballero referiuse a esta xornada como un día "moi importante" na cidade e en toda a grande área sanitaria da zona metropolitana de Vigo: "estamos chamados a defender a sanidade e a saúde da cidade, a defensa do territorio, a demandar que teñamos a calidade da asistencia sanitaria que teñen en tantos lugares", por iso engadiu a necesidade de participar hoxe na manifestación para "defender a sanidade e defender a propia cidade unha vez máis".
O alcalde lémbralle a toda a cidadanía que a manifestación parte este xoves ás 20:00 horas do Hospital Xeral e que o percorrido remata na Porta do Sol.
Abel Caballero referiuse a esta xornada como un día "moi importante" na cidade e en toda a grande área sanitaria da zona metropolitana de Vigo: "estamos chamados a defender a sanidade e a saúde da cidade, a defensa do territorio, a demandar que teñamos a calidade da asistencia sanitaria que teñen en tantos lugares", por iso engadiu a necesidade de participar hoxe na manifestación para "defender a sanidade e defender a propia cidade unha vez máis".
O alcalde lémbralle a toda a cidadanía que a manifestación parte este xoves ás 20:00 horas do Hospital Xeral e que o percorrido remata na Porta do Sol.