O alcalde Vigo e vicepresidente da FEMP enfatizou hoxe mércores que o Consello de Estado ven de refrendar as críticas á reforma de lei de bases de réxime local. Este "durísimo varapalo" obriga a convocar unha reunión urxente da comisión executiva da Federación, segundo afirmou Caballero.
O alcalde e vicepresidente da FEMP participou onte mércores na reunión da Comisión Nacional de Administración Local, onde o ministro de Facenda, Cristóbal Montoro, felicitou a Caballero polo plan de amortización de débeda do Concello de Vigo.
Abel Caballero tildou hoxe xoves de "inxusta" a eventual resolución europea que obrigaría a devolver boa parte das bonificacións fiscais do naval desde o ano 2005. Avanzou o seu apoio á manifestación convocada esta tarde polos sindicatos porque esta decisión do comisario de Competencia, Joaquín Almunia, provocaría danos "irreparables" no sector.
O alcalde de Vigo fixo unha análise pormenorizada da situación económica que estamos a atravesar, cunhas consecuencias "demoledoras" que obrigan a remontarse ata 1930 para atopar un contexto negro similar. Durante un acto promovido polo Banco Santander e o Faro de Vigo, Caballero referiuse á automoción como un dos sectores capaces de facerlle frente á crise nunha cidade que tamén destaca polo seu carácter emprendedor.
O alcalde informou este venres da proposta da baixo custo para o aeroporto de Vigo, que pasaría por operar ata nove destinos en España e ter en Peinador a base dun dos seus avións, o que acontecería por primeira vez na historia da terminal viguesa.
O alcalde anunciou este xoves o envío dunha carta ao presidente da Xunta de Galicia solicitándolle a remisión ao Concello de Vigo, como entidade fundadora de Caixanova, da auditoría elaborada por KPMG sobre a que a Xunta "impuxo a fusión que fixo desaparecer Caixanova".
Abel Caballero transmitíu hoxe xoves a súa "satisfacción polo apoio masivo da cidadanía a favor de Peinador" na concentración convocada onte na Porta do Sol. Tal e como xa avanzara, o goberno local xa está a traballar nunha proposta de vóos que o rexedor levará ao próximo Pleno ordinario.
"Vigo non quere ningún privilexio, pero tampouco quere que os demais os teñan á nosa costa". Así reclamou Abel Caballero a participación da cidadanía na concentración de hoxe mércores, ás 20:30 horas na Porta do Sol, para esixir para Vigo o mesmo trato que recibe Santiago e Coruña, e poder así competir en igualdade de condicións.
O rexedor avanzou hoxe martes a "unanimidade absoluta" a favor da defensa do aeroporto de Vigo dos colectivos empresariais e deportivos cos que se reuniu esta mañá para analizar a situación da terminal. Reiterou o "apoio masivo" de toda á cidade á concentración a favor de Peinador convocada para mañá mércores na Porta do Sol.
O alcalde reuníuse cunha decena de asociacións de comerciantes de Vigo para pulsar a súa opinión sobre o "ataque frontal" ao que se está vendo sometido Peinador e polo cal está convocada unha concentración cidadá este mércores. En verbas de Caballero, esta situación do aeroporto está a danar ao comercio vigués.