O goberno de Vigo condena os insultos machistas recibidos por Carmela Silva
O goberno municipal deu lectura este mércores a un comunicado de apoio a Carmela Silva no que denuncia os "insultos vergonzosos, intolerables e machistas" que recibiu a primeira tenente de alcalde e presidenta da Deputación por parte do tenente de alcalde de Moraña, Jorge Caldas, polo que lle "esixe" ao presidente da Xunta que o cese no seu cargo institucional "hoxe mesmo".
O goberno de Vigo condenou este mércores, a través dun comunicado, os insultos machistas recibidos pola primeira tenente de alcaldía, Carmela Silva, por parte do tenente de alcalde de Moraña, Jorge Caldas, ao tempo que amosou o seu apoio á presidenta da Deputación de Pontevedra, tal e como recolle a declaración institucional:
"Queremos denunciar os insultos vergonzosos, intolerables e machistas que o tenente de alcalde de Moraña, Jorge Caldas, proferiu en contra da presidenta da Deputación de Pontevedra o pasado 29 de xaneiro.
Insultos machistas e intolerables que este representante institucional fai en contra dunha muller que fai política, polo feito de ser muller.
A cidadanía non merece ter un representante como este señor que insulta gravemente co apoio da alcaldesa de Moraña que tamén, a través das redes sociais, respalda ao seu concelleiro.
Apoiamos á presidenta da Deputación, Carmela Silva, ante esta terrible agresión machista, así como a todas as mulleres que son agredidas con insultos e con violencia.
Esixímoslle ao presidente da Xunta de Galicia, Alberto Núñez Feijóo, que os dea de baixa no seu partido e lles esixa que cesen nos seus cargos institucionais hoxe mesmo. Hoxe mesmo ten que responder Feijóo porque estamos ante un feito gravísimo".
Descargar todas as imaxes
"Queremos denunciar os insultos vergonzosos, intolerables e machistas que o tenente de alcalde de Moraña, Jorge Caldas, proferiu en contra da presidenta da Deputación de Pontevedra o pasado 29 de xaneiro.
Insultos machistas e intolerables que este representante institucional fai en contra dunha muller que fai política, polo feito de ser muller.
A cidadanía non merece ter un representante como este señor que insulta gravemente co apoio da alcaldesa de Moraña que tamén, a través das redes sociais, respalda ao seu concelleiro.
Apoiamos á presidenta da Deputación, Carmela Silva, ante esta terrible agresión machista, así como a todas as mulleres que son agredidas con insultos e con violencia.
Esixímoslle ao presidente da Xunta de Galicia, Alberto Núñez Feijóo, que os dea de baixa no seu partido e lles esixa que cesen nos seus cargos institucionais hoxe mesmo. Hoxe mesmo ten que responder Feijóo porque estamos ante un feito gravísimo".