luns, 11 xan 2010
O alcalde presidiu este luns a apertura da exposición pictórica do artista Xosé María Barreiro, dentro da convocatoria Mostrarte, un evento municipal que achega o mundo do arte ao público, mediante a ubicación das obras nas dependencias da Alcaldía de Vigo, ademáis de servir como promoción de diferentes artistas plásticos vencellados a cidade. Neste senso, Abel Caballero resaltou que a pintura de Barreiro leva Vigo polo mundo adiante para que sepan como son os seus habitantes.
xoves, 7 xan 2010
Abel Caballero foi invitado a participar mañá venres na Gala Inaugural da Presidencia Española da Unión Europea 2010, presidida polas SS.MM. Os Reis, quenes ofrecerán ao remate do evento unha recepción. A Gala e a posterior recepción celebraranse no Teatro Real de Madrid, onde terá lugar a entrega da Presidencia Sueca á Presidencia Española da UE.
martes, 5 xan 2010
Abel Caballero acudiu hoxe martes a visitar a nova escultura disposta na rotonda de Balaídos, na confluencia de Fragoso, Val Miñor e a Avenida de Balaídos, erixida por Matrero o pasado ano no Certame de Escultura en Pedra convocado pola Asociación Veciñal de Valadares. O alcalde afirmou nesta zona estanse a levar a cabo humanizacións por valor de 10 millóns de euros, e avanzou que o Concello está a deseñar unha nova disposición do frontal do estadio de Balaídos, xunto a Manuel de Castro.
luns, 4 xan 2010
Abel Caballero entrevistouse este luns, na súa primeira reunión do 2010, coa Asociación de Familiares de Enfermos de Alzheimer, entidade que estuda conxuntamente co Concello a ubicación dun centro integral para os pacientes e familiares desta enfermidade. O alcalde mostroulles o seu "apoio absoluto" para crear en Vigo o centro "referencial" de Galicia da atención ao Alzheimer.
luns, 4 xan 2010
Tras entrevistarse coa Asociación A Golpe de Pedal, o alcalde avanzou que o futuro pasillo verde que substituirá ás actuais vías do tren incorporará carril bici. A excavación do túnel do acceso ferroviario desde Redondela ata a estación de Urzáiz permitirá levantar as vías e habilitar alí un amplo espazo verde. Ademais, Caballero informou á entidade do proxecto a medio plazo de instalar carril bici no eixo Travesas-Samil-Coruxo.
mércores, 30 dec 2009
O alcalde, Abel Caballero, recordou hoxe que a cidade experimenta a mellor transformación da súa historia coa posta en marcha dos plans de humanizacións que se levaron a cabo nas rúas de Vigo neste ano que remata. As declaracións do alcalde foron feitas con motivo do balance do 2009 na administración que preside Abel Caballero, quen valorou como brillante no eido municipal o ano que remata, aínda que tamén ten un matiz complexo por mor da crise económica e aumento do desemprego.
mércores, 30 dec 2009
O alcalde recibiu este martes do responsable de estacións de ADIF o proxecto básico da futura estación da Alta Velocidade de Urzáiz, que conta cun 40.000 metros cadrados de superficie. A Administración de Infraestruturas Ferroviarias pide tamén licenza ao Concello para despois encargar formalmente o proxecto arquitectónico a Thom Mayne, no que o premio Pritzker xa está a traballar. Os prazos serán "os máis axustados posibles" para dar cabida á Alta Velocidade no ano 2012.
martes, 29 dec 2009
O alcalde, Abel Caballero, informou este martes da reunión do padroado de ProVigo, que debatiu o novo plan estratéxico da entidade ata 2020 contando coas novas infraestruturas que estarán rematadas en 2012. O obxectivo é que "Vigo deixe de ser a gran descoñecida de España". A reunión desta mañá inicia "unha nova etapa" en ProVigo, que aprobou un orzamento de 311.000 euros para 2010.
mércores, 23 dec 2009
Abel Caballero presidiu este mércores o tradicional viño de Nadal co persoal do Concello de Vigo, en representación da Corporación presente. Xunto á felicitación das festas e os bos desexos para o 2010, o alcalde quixo resaltar "en nome da cidadanía" o esforzo realizado polos funcionarios durante este ano e fixo fincapé na especial participación do persoal municipal no progreso acadado pola cidade durante este 2009.
luns, 21 dec 2009
Segundo indicou Abel Caballero, o premiado arquitecto Thom Mayne -encargado do deseño da nova estación- presentará a mediados de xaneiro ao alcalde unha maqueta da súa "espectacular" proposta arquitectónica para Urzáiz, que será definitiva a finais do citado mes. A futura estación non lle custará "nin un céntimo" ao Concello, que gañará ademais 40.000 metros cadrados de espazo na azotea do futuro edificio.
