xoves, 26 xan 2017
Abel Caballero asegurou esta mañá que estamos no momento de consolidar o proxecto político que se está a desenvolver en Vigo,", un proxecto colectivo, de vertebración social, que estamos a trasladar tamén ao resto de España. Así o dixo durante a súa participación nun almorzo no Círculo de Empresarios de Galicia no que estivo acompañado pola presidenta da Deputación de Pontevedra, Carmela Silva, e pola ex ministra de Pesca, Elena Espinosa, ademais dunha nutrida representación empresarial e social da área de Vigo.
martes, 17 xan 2017
Caballero acompañou a un grupo de escolares do colexio San José de A Guía que e esta mañá visitaron as instalacións de Aqualia. Durante o percorrido, o rexedor trasladoulles aos alumnos que a auga de Vigo é de gran calidade e barata.
venres, 13 xan 2017
Despois dunha entrevista celebrada este venres, Abel Caballero informou que a dirección do Salón propón incrementar o espazo expositivo na edición 2017, "o que significará axuda adicional do Concello, porque para nós o Salón do Automóbil en Vigo, a cidade do automóbil, é absolutamente prioritario".
luns, 26 dec 2016
Caballero fixo balance este luns do ano que conclúe, salientando a política social e de emprego aplicada, a débeda cero municipal, as humanizacións por 27 millóns de euros, o crecemento do aeroporto de Vigo e a constitución da Área Metropolitana. O rexedor enfatizou a "estabilidade política" coa que conta Vigo, que permite que a marcha da cidade sea "excepcional" comparada co resto de cidades.
xoves, 22 dec 2016
Abel Caballero, acompañado da Corporación, presidiu este mércores na Lonxa do Concello o saúdo aos funcionarios municipais a quen se referiu como o "corazón físico da cidade" e de quen destacou o seu papel fundamental para o bo funcionamento da urbe. Ademais, manifestoulles o seu desexo de prosperidade para o vindeiro ano 2017 que fixo extensivo a toda a cidadanía viguesa.
xoves, 22 dec 2016
O alcalde cualificou de "extraordinariamente importante" o acordo asinado por PSOE e PP para retirar ás eléctricas a potestade de cortar a luz sen un informe preceptivo dos concellos que descarte razón de pobreza. Deste xeito, felicitouse porque a proposta que el mesmo defendeu desde a FEMP vaise plasmar nunha reforma lexislativa que impedirá uns cortes eléctricos que, na práctica, teñen os mesmos efectos que un desafiuzamento.
mércores, 21 dec 2016
Abel Caballero asistiu este mércores no Concello da Coruña á descuberta do retrato oficial do ex alcalde Francisco Vázquez a quen considera "un modelo na forma de entender as alcaldías e as administracións locais e, seguramente, o mellor alcalde da democracia en España". Para o rexedor de Vigo, Vázquez "marcou a forma de entender o municipalismo", polo que dixo sentirse "satisfeito" de acudir a esta "homenaxe debida" a un referente na política municipal "de España e de Europa". <br />
mércores, 21 dec 2016
O alcalde e o seu homólogo coruñés mantiveron este mércores en María Pita unha entrevista de cortesía na que trataron sobre as áreas metropolitanas e o proceso desenvolvido por Vigo para constituír a súa. Ademais falaron do "momento de revolución municipalista" que impulsa Caballero dende a FEMP, con avances en política social como a prohibición dos cortes de enerxía ás familias por razóns de pobreza, o problema do teito de gasto "en vías de se resolver" ou a posibilidade de que os municipios empreguen o superávit que "levaremos adiante", segundo expuxo o rexedor olívico. <br />
martes, 20 dec 2016
No nome de todos os Gobernos Locais españois, o alcalde de Vigo e presidente da FEMP trasladou a súa solidariedade ás familias e ao pobo alemán "ferido por este acto de barbarie inexplicable". As bandeiras do Concello ondean a media hasta.
xoves, 15 dec 2016
O rexedor iniciará mañá con expertos ferroviarios de UXT a rolda de contactos con axentes sociais para fixar a posición da cidade en defensa do AVE. Anunciou que lle enviou unha carta ao ministro de Fomento esixíndolle que retome inmediatamente a declaración de impacto ambiental.
